തളിപ്പറമ്പ് : ബംഗാളില് നിന്നും പ്രായപൂര്ത്തിയാകാത്ത പെണ്കുട്ടിയെ തട്ടികൊണ്ടു വന്ന് വിവാഹം കഴിച്ച ബംഗാളിയായ യുവാവിനെയും പെണ്കുട്ടിയെയും തളിപ്പറമ്പ് പോലീസിന്റെ സഹായത്തോടെ വെസ്റ്റ് ബംഗാള് പോലീസ് ധര്മ്മശാലയില് വെച്ച് പിടികൂടി. വെസ്റ്റ് ബംഗാള് മിഡ്നാപ്പൂര് സ്വദേശിയായ യുവാവിനൊപ്പം വിവാഹിതയായി കഴിയുന്ന യുവതിയെയാണ് പോലീസ് കണ്ടെത്തിയത്. 2020-ല് യുവാവ് മിഡ്നാപ്പൂരില് നിന്ന് കാമുകിയായ 17 കാരിയുമായി സ്ഥലം വിടുകയായിരുന്നു.
പെണ്കുട്ടിയെ കാണാതായതോടെ വീടുകാര് പോലീസില് പരാതി നല്കിയിരുന്നു. കേസെടുത്ത് അന്വേഷണം നടക്കുന്നതിനിടെയാണ് ഇരുവരും കണ്ണൂരില് കഴിയുന്നതായി വെസ്റ്റ് ബംഗാള് പോലീസിന് വിവരം ലഭിച്ചത്. തുടര്ന്ന് കണ്ണൂര് പോലീസുമായി ബന്ധപ്പെട്ട് നടത്തിയ അന്വേഷണത്തിലാണ് ഇരുവരും പിടിയിലായത്. നാട്ടില് നിന്നും മുങ്ങിയ ഇവര് വിവാഹിതരായി ധര്മ്മശാലക്ക് സമീപം ജോലി ചെയ്ത് താമസിച്ചു വരികയായിരുന്നു. യുവതി ഒരു കുഞ്ഞിന് ജന്മവും നല്കിയിട്ടുണ്ട്. തളിപ്പറമ്പ് കോടതിയില് ഹാജരാക്കിയ ശേഷം ഇവരെ പോലീസ് മിഡ്നാപ്പൂരിലേക്ക് കൊണ്ടു പോകും.
