കൊല്ലം: മകളെ നഷ്ടപ്പെടുത്തിയത് ജപ്തി ബോര്ഡെന്ന് കൊല്ലത്ത് ആത്മഹത്യ ചെയ്ത അഭിരാമിയുടെ അച്ഛന് അജികുമാര്. ബോര്ഡ് തൂക്കിയത് മകളെ ഏറെ വിഷമത്തിലാക്കിയെന്ന് അജികുമാര് പറഞ്ഞു. ബോര്ഡ് ഇളക്കി കളയാന് മകള് ആവശ്യപ്പെട്ടിരുന്നു. എന്നാല് ബാങ്കില് പോയി ഇളവ് ചോദിക്കാമെന്ന് താന് മകളോട് പറഞ്ഞു.
പോയിട്ട് തിരിച്ചുവന്നപ്പോള് മോളുടെ അവസ്ഥയിതാ. മോള്ക്ക് ചാവാന് വേണ്ടിയാണോ വീടുണ്ടാക്കി വെച്ചത്. എന്തുനടപടി വേണമെങ്കിലും സര്ക്കാരിനി എടുക്കട്ടേയെന്നും അജികുമാര് വിതുമ്പി പറഞ്ഞു. ബാങ്കിനോട് അല്പ്പം കൂടി സാവകാശം ചോദിച്ചിരുന്നു. എന്നാല് ഒന്നും ചെയ്യാന് പറ്റില്ലെന്നാണ് ബാങ്ക് മാനേജര് പറഞ്ഞതെന്നും അഭിരാമിയുടെ അച്ഛന് പറഞ്ഞു.
