ചടയമംഗലം : വിദേശത്തുനിന്ന് ഭര്ത്താവ് നാട്ടിലെത്തിയ ദിവസം ഭാര്യയെ കിടപ്പുമുറിയില് തൂങ്ങിമരിച്ച നിലയില് കണ്ടെത്തി. ചടയമംഗലം അക്കോണം പ്ലാവിള വീട്ടില് കിഷോറിന്റെ ഭാര്യ ലക്ഷ്മി (23)യാണ് മരിച്ചത്. ഒരുവര്ഷം മുമ്പായിരുന്നു ഇവരുടെ വിവാഹം. ഒരു മാസം കഴിഞ്ഞ് കുവൈത്തിലേക്കു മടങ്ങിയ കിഷോര് ചൊവ്വ രാവിലെ പത്തോടെയാണ് മടങ്ങിയെത്തിയത്.
സാധനങ്ങള് ഇറക്കിവെച്ച് അകത്തുകയറി നോക്കിയപ്പോള് മുകളിലത്തെ മുറിയുടെ വാതില് അടഞ്ഞുകിടക്കുകയായിരുന്നു. അടൂരില്നിന്ന് ലക്ഷ്മിയുടെ അമ്മയെ വിളിച്ചുവരുത്തിയശേഷം മാത്രമാണ് വാതില് ചവിട്ടിത്തുറന്നത്. സംഭവം പോലീസില് അറിയിച്ചത് മൃതദേഹം പുറത്തെടുത്ത് ആംബുലന്സില് കയറ്റിയശേഷവും. ആത്മഹത്യാക്കുറിപ്പ് ലഭിച്ചിട്ടുണ്ട്. ചടയമംഗലം പോലീസ് അന്വേഷണം ആരംഭിച്ചു. മൃതദേഹം തിരുവനന്തപുരം മെഡിക്കല് കോളേജ് ആശുപത്രി മോര്ച്ചറിയില്.
