കൊച്ചി : എറണാകുളത്ത്‌ കോംഗോയില്‍ നിന്നും എത്തിയ ഒമിക്രോണ്‍ സ്ഥിരീകരിച്ച വ്യക്തിയുടെ റൂട്ട് മാപ് പുറത്ത്‌ വിട്ടു. ഡിസംബര്‍ ഏഴിന് പുലര്‍ച്ചെ മൂന്നിനാണ് ഇദ്ദേഹം കൊച്ചി വിമാനത്താവളത്തിലെത്തിയത്. ഡിസംബര്‍ ഒമ്പതിന് പുതിയകാവ് ഗവ. ആയുര്‍വേദ മെഡിക്കല്‍ കോളേജില്‍ രാവിലെ 10.10-ഓടെ ആര്‍ടിപിസിആര്‍ പരിശോധനയ്ക്കുള്ള സാമ്പിള്‍ നല്‍കി. 10.15-ന് അവിടെ നിന്ന് മടങ്ങി.
ഡിസംബര്‍ 10-ന് വീട്ടില്‍ നിന്ന് ടാക്‌സിയില്‍ പാലാരിവട്ടം റെനെയ് മെഡിസിറ്റിയിലേക്ക് പോയി (11.57-12.30). തുടര്‍ന്ന് പരിശോധനകള്‍ക്ക് ശേഷം വൈകീട്ട് 4.40-ഓടെ മടങ്ങി. 4.50-ന് അറേബ്യന്‍ ഡ്രീംസ് ഹോട്ടലില്‍ എത്തി ഷവര്‍മ്മയും ജ്യൂസും കഴിച്ചു. 5.30-ഓടെ മടങ്ങി. 6.15-ന് ഈസ്റ്റ് ഫോര്‍ട്ടില്‍ നിന്ന് ഓട്ടോ വിളിച്ച്‌ വീട്ടിലേക്ക്. രാത്രി 7.30-ന് സഹോദരനൊപ്പം ബൈക്കില്‍ അബാദ് ന്യൂക്ലിയസ് മാളിലേക്ക്. രാത്രി 8.05-ന് അവിടെ നിന്ന് ഇറങ്ങി. ഡിസംബര്‍ 11-ന് സ്വന്തം കാറില്‍ റെനെയ് ഹോസ്പിറ്റലിലേക്ക് പോയി. ആര്‍ടിപിസിആര്‍ പരിശോധനയ്ക്ക് ശേഷം 9.05-ന് മടങ്ങി.
