കോന്നി : രാത്രിയിൽ റോഡുമുറിച്ചുകടന്ന പെരുമ്പാമ്പ് യാത്രക്കാർക്ക് കൗതുകമായി. കഴിഞ്ഞ ദിവസം രാത്രിയിൽ കോന്നി തണ്ണിത്തോട് റോഡിൽ എലിമുള്ളുംപ്ലാക്കൽ കാട്ടുമുറി ഭാഗത്തായിരുന്നു പെരുമ്പാമ്പിനെ കണ്ടത്.
പാമ്പിനെ കണ്ട് യാത്രക്കാർ വാഹനങ്ങൾ നിർത്തി റോഡിൽ ഇറങ്ങി മൊബൈൽ ക്യാമറയിൽ ചിത്രങ്ങൾ പകർത്തുവാൻ തുടങ്ങിയതോടെ മണിക്കൂറുകളോളം കോന്നി തണ്ണിത്തോട് റോഡിലെ ഗതാഗതം തടസപ്പെട്ടു. റോഡിൽ വാഹനങ്ങൾ നിറഞ്ഞപ്പോളും പെരുമ്പാമ്പ് റോഡിൽ നിന്ന് മാറുവാൻ തയ്യാറായില്ല. മണിക്കൂറുകളോളം റോഡിൽ കിടന്ന പാമ്പ് വനത്തിലേക്ക് കയറിപോയതിന് ശേഷമാണ് വാഹനങ്ങൾ കടന്നു പോയത്.
