കോന്നി : കോന്നി ഇക്കോടൂറിസം ആരംഭിച്ചതിന് ശേഷമുള്ള റെക്കോര്ഡ് കളക്ഷനാണ് ക്രിസ്തുമസ് അവധി ദിനങ്ങളില് കോന്നി ഇക്കോടൂറിസം സെന്ററിലും അടവി കുട്ടവഞ്ചി സവാരി കേന്ദ്രത്തിലും ലഭിച്ചത്. ക്രിസ്തുമസ് ദിനത്തില് വലിയ തിരക്കാണ് കോന്നി ഇക്കോടൂറിസം സെന്ററില് അനുഭവപ്പെട്ടത്. 2342 പേരാണ് കോന്നി ഇക്കോടൂറിസം സെന്ററില് ക്രിസ്തുമസ് ദിനത്തിലെത്തിയത്. 92205 രൂപ വരുമാനവും ലഭിച്ചു.
വനശ്രീ ഇക്കോ ഷോപ്പില് 26448 രൂപയും ഇക്കോടൂറിസം ക്യാന്റീനില് 25300 രൂപയും വരുമാനം ലഭിച്ചു. അടവി കുട്ടവഞ്ചി സവാരി കേന്ദ്രത്തില് 123000 രൂപയാണ് ക്രിസ്തുമസ് ദിനത്തില് ലഭിച്ച വരുമാനം. അടവിയിലെ ആരണ്യകം കഫേയില് 6100 രൂപയും വരുമാനം ലഭിച്ചു. ജനുവരി രണ്ടിലെ കണക്കുകള് പ്രകാരം 1698 പേരാണ് ഇക്കോടൂറിസം സെന്ററില് സന്ദര്ശനം നടത്തിയത്.
67595 രൂപയാണ് ഈ ദിവസത്തെ വരുമാനം. കോന്നി ഇക്കോടൂറിസം സെന്റര് ആരംഭിച്ചത് മുതല് ഇന്ന് വരെയുള്ള റെക്കോര്ഡ് വരുമാനമാണ് ഈ ദിവസങ്ങളില് കോന്നിയിലും അടവിയിലും ലഭിച്ചത്. കല്ലാറ്റില് വെള്ളം കുറവായതിനാല് ഹ്രസ്വദൂര സര്വ്വീസുകള് മാത്രമാണ് നടത്തുന്നത്.
