കോന്നി : കൂടല്‍, മലയാലപ്പുഴ സര്‍ക്കാര്‍ ആശുപത്രികള്‍ക്ക് പുതിയ കെട്ടിടം നിര്‍മിക്കാന്‍ നബാര്‍ഡില്‍ നിന്നും ആറു കോടി രൂപ വീതം അനുവദിച്ചതായി അഡ്വ. കെ.യു.ജനീഷ് കുമാര്‍ എംഎല്‍എ അറിയിച്ചു. അത്യാധുനിക സൗകര്യങ്ങളുള്ള പുതിയ കെട്ടിടമാണ് നിര്‍മ്മിക്കുന്നത്.
ആധുനിക ഒപി സൗകര്യം, സ്വകാര്യതയുള്ള പരിശോധനാ മുറി, നിരീക്ഷണ സ്ഥലം, ശിശു സൗഹൃദ രോഗ പ്രതിരോധ കുത്തിവെയ്പ് മുറി, വയോജനങ്ങള്‍ക്ക് കാത്തിരിപ്പ് കേന്ദ്രം, ശ്വാസകോശ രോഗങ്ങള്‍, മാനസിക ആരോഗ്യം തുടങ്ങിയവയ്ക്കുള്ള സ്പെഷ്യാലിറ്റി ക്ലിനിക്കുകള്‍ക്കുള്ള സൗകര്യം തുടങ്ങിയവ പുതിയ കെട്ടിടത്തില്‍ ഉറപ്പു വരുത്തും. പൊതുജനാരോഗ്യ വിഭാഗത്തിന്റെ ഓഫീസിനുള്ള സൗകര്യവും കെട്ടിടത്തില്‍ ഒരുക്കുമെന്നും എംഎല്‍എ പറഞ്ഞു.
