കൂടലില്‍ പാമ്പുകടിയേറ്റ് യുവാവ് മരിച്ചു

കോന്നി : കൂടലില്‍ പാമ്പുകടിയേറ്റ് യുവാവ് മരിച്ചു. കൂടൽ ഇഞ്ചപ്പാറ ഈഴനേത്ത് പടി ഗായത്രി ഭവനിൽ ആർ.കെ അനിൽ(43) ആണ് മരിച്ചത്.  ബുധനാഴ്ച്ച രാത്രി പന്ത്രണ്ട് മണിയോടെ ആണ് സംഭവം നടന്നത്. ഇടത് ചെവിയുടെ ഭാഗത്ത് എന്തോ കടിച്ചതായി അനുഭവപ്പെടുകയും പിന്നീട് ഈ മുറിവിലൂടെ രക്തം വാർന്നൊഴുകുകയുമായിരുന്നു. തുടർന്ന് ഇദ്ദേഹത്തെ കോന്നി താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. വീടിന്റെ പരിസരത്ത് പരിശോധന നടത്തിയപ്പോള്‍  സമീപത്ത് നിന്ന് അണലിയെ കണ്ടെത്തി. അതിനുശേഷമാണ് കടിച്ചത് അണലിയാണെന്ന് സ്ഥിരീകരിച്ചത്.  സംസ്കാരം ഇന്ന് വൈകുന്നേരം നടത്തി. ഭാര്യ – അംബിക, മക്കൾ – ഗായത്രി, ഗൗരി