കോട്ടയം : കോട്ടയം ജില്ലയില് ആദ്യമായി സിക്ക വൈറസ് ബാധ സ്ഥിരീകരിച്ചു. സിക്ക വൈറസ് പഠനവുമായി ബന്ധപ്പെട്ട് തിരുവനന്തപുരത്തെത്തിയ ആരോഗ്യപ്രവര്ത്തകയ്ക്കാണ് രോഗം സ്ഥിരീകരിച്ചത്. അതേസമയം തിരുവനന്തപുരത്ത് ഇന്ന് മൂന്ന് പേര്ക്കാണ് രോഗബാധ ഉണ്ടായത്. തിരുവനന്തപുരം മെഡിക്കല് കോളജ് വൈറോളജി ലാബില് നടത്തിയ പരിശോനയിലാണ് സിക്ക വൈറസ് ബാധ സ്ഥിരീകരിച്ചത്.
ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 42 ആയി. രോഗവ്യാപനത്തിന്റെ പശ്ചാത്തലത്തില് ഒരാഴ്ച വാര്ഡുതല ശുചീകരണവും ഓഫീസുകളിലെ ശുചീകരണവും നടത്തുമെന്ന് മേയര് ആര്യ രാജേന്ദ്രന് പറഞ്ഞിരുന്നു. നിലവില് ഭയപ്പെടേണ്ട സാഹചര്യമില്ലെന്നും മേയര് പറഞ്ഞു. ആക്ഷന് പ്ലാന് പ്രകാരം ഒരു വാര്ഡിനെ 7 ആയി തിരിച്ചാണ് പ്രവര്ത്തനങ്ങള് നടത്തുക. തീവ്ര ഉറവിട നശീകരണ യജ്ഞം എന്ന പേരില് കൊതുകുകളുടെ ഇറവിടങ്ങള് നശിപ്പിക്കുകയാണ് നഗരസഭ.