കൊല്ലം : കൊറോണ വ്യാപനം തടയാന്‍ ലോക്ക് ഡൗണ്‍ ഉള്‍പ്പടെ കര്‍ശന നടപടികള്‍ നടക്കുമ്പോഴും കൊട്ടാരക്കര വെട്ടിക്കവലയില്‍ പൊലീസുകാരന്റെ വീട്ടില്‍ ആളെക്കൂട്ടി വിവാഹം. ആഡിറ്റോറിയം ഒഴിവാക്കി വീട്ടിലാണ് വിവാഹ ചടങ്ങുകള്‍ ഒരുക്കിയതെങ്കിലും വലിയ ആള്‍ക്കൂട്ടം ഇവിടെയുണ്ട്.
പൊലീസുകാരന്റെ മകളുടെ വിവാഹമാണ്. സദ്യവട്ടവും മറ്റ് ചടങ്ങുകളുമൊക്കെ ഉണ്ടെന്നാണ് വിവരം. വീട്ടില്‍ പന്തലിട്ടാണ് വിവാഹത്തിനുള്ള ക്രമീകരണങ്ങള്‍ ഉണ്ടാക്കിയത്. പരാതികള്‍ എത്തിയതോടെ പോലീസ് വിവാഹ സ്ഥലത്തേക്ക് തിരിച്ചു. നിര്‍ദ്ദേശങ്ങള്‍ ലംഘിച്ചിട്ടുണ്ടെന്ന് ബോദ്ധ്യപ്പെട്ടാല്‍ രക്ഷിതാക്കള്‍ അടക്കമുള്ളവര്‍ക്കെതിരെ കേസെടുക്കുമെന്ന് റൂറല്‍ എസ്.പി ഹരിശങ്കര്‍ അറിയിച്ചു.
