കോഴിക്കോട് : കോഴിക്കോട് മിഠായി തെരുവിൽ തീ പിടുത്തം. പാളയം മൊയ്തീന്‍ പള്ളിക്ക് സമീപമുള്ള വി കെ ബിൽഡിങ്ങിലെ മൂന്നാം നിലയിലെ ജെ ആർ ഫാൻസി സ്‌ട്രോറിലാണ് തീപിടുത്തം ഉണ്ടായത്. മീഞ്ചന്ത, വെള്ളയിൽ എന്നീ ഫയർ സ്റ്റേഷനുകളിൽ നിന്നുള്ള അഞ്ചു യൂണിറ്റ് ഫയർ എൻജിനുകൾ എത്തി തീയണക്കാനുള്ള ശ്രമം തുടരുകയാണ്.
അധിക ദൂരത്തേക്ക് തീ വ്യാപിച്ചിട്ടില്ല എന്നാണ് വിവരം. ആളപായം ഉണ്ടോ എന്ന കാര്യത്തിൽ വ്യക്തത ലഭ്യമല്ല. തീ പടർന്ന കാരണം വ്യക്തമല്ല. കെട്ടിടത്തിന്റെ ഉള്ളിൽ കുടുങ്ങിയവരെ രക്ഷാപ്രവർത്തകർ പുറത്തെത്തിച്ചു. തീ മറ്റ് കെട്ടിടങ്ങളിലേക്ക് പടരാതിരിക്കാനുള്ള ശ്രമത്തിലാണ് അഗ്നി ശമനസേനയും പോലീസും മിഠായി തെരുവിലെ തൊഴിലാളികളും.
