തിരുവനന്തപുരം : കേന്ദ്ര നയങ്ങള്ക്കെതിരെ രാഹുല് ഗാന്ധി നയിക്കുന്ന കന്യാകുമാരി മുതല് കശ്മീര് വരെയുള്ള ഭാരത് ജോഡോ യാത്രയുടെ കേരളത്തിലെ പര്യടനം ചര്ച്ച ചെയ്യാന് കെ.പി.സി.സി സമ്പൂര്ണ എക്സിക്യൂട്ടീവ് യോഗം ഇന്ന് തിരുവനന്തപുരത്ത് ചേരും. അടുത്തമാസം ഏഴിന് കന്യാകുമാരിയില് നിന്ന് തുടങ്ങുന്ന യാത്ര 11ന് പാറശാല വഴി കേരളത്തില് പ്രവേശിക്കും.
വിവിധ ജില്ലകളിലായി രാഹുല്ഗാന്ധി 17 ദിവസം സംസ്ഥാനത്തുണ്ടാകും. യാത്രാ ചുമതലകള് വിവിധ നേതാക്കള്ക്ക് ഇന്നത്തെ യോഗം കൈമാറും. കോഴിക്കോട് ചേര്ന്ന ചിന്തന് ശിബിരത്തിലെ തീരുമാനങ്ങള് നടപ്പാക്കുന്നതിനുള്ള ഉപസമിതികള്ക്കും നേതൃയോഗം രൂപം നല്കും. നിലവിലെ രാഷ്ട്രീയ സാഹചര്യവും സര്ക്കാരിനെതിരായ സമരപരിപാടികളും യോഗത്തില് ചര്ച്ചയായേക്കും.
