കോഴിക്കോട് : ആരോഗ്യമേഖലയിലെ മുന്നിര പോരാളികളായ സ്വകാര്യ മെഡിക്കല് ഷോപ്പുകളില് ജോലി ചെയ്യുന്ന ഫാര്മസിസ്റ്റുകള്ക്ക് കോവിഡ് വാക്സില് ഉടന് നല്കാന് നടപടി സ്വീകരിക്കണമെന്ന് കേരള പ്രൈവറ്റ് ഫാര്മസിസ്റ്റ്സ് അസോസിയേഷന് (കെപി പിഎ) സംസ്ഥാന കമ്മിറ്റി ആവശ്യപ്പെട്ടു.
കോവിഡ് രണ്ടാം തരംഗം ഏറെ ഭീഷണി ഉയര്ത്തുന്ന പുതിയ സാഹചര്യത്തിലും ഇതിനുള്ള നടപടിയായിട്ടില്ല. ഗവ. മേഖലയിലെ ഫാര്മസിസ്റ്റുകള്ക്ക് വാക്സിന് ഇതിനകം ലഭിച്ചിട്ടുണ്ട്. കര്ശന അടച്ചിടലും ലോക്ഡൗണ് പോലുള്ള സമയങ്ങളിലെല്ലാം കൃത്യമായി സേവനം അനുഷ്ടിക്കുന്ന വിഭാഗമാണ് സ്വകാര്യ ഫാര്മസിസ്റ്റുകള്, നിരവധി രോഗികളുമായി നേരിട്ട് സമ്പര്ക്കം പുലര്ത്തുന്നവരുമാണ്. വസ്തുത ഇതായിരിക്കെ പരിഗണിക്കപ്പെടാത്തത് അംഗീകരിക്കാനാവില്ല. വസ്തുതകള് മനസിലാക്കി അടിയന്തിരമായി വാക്സിന് ലഭ്യമാക്കാനുള്ള നടപടികള് കേന്ദ്ര-സംസ്ഥാന സര്ക്കാരുകള് കൈകൊള്ളണമെന്ന് കേരള പ്രൈവറ്റ് ഫാര്മസിസ്റ്റ്സ് അസോസിയേഷന് ആവശ്യപ്പെട്ടു.