റാന്നി: ഇട്ടിയപ്പാറ ബസ് സ്റ്റാന്ഡ് ടെര്മിനലിലെ വിളക്കുകളുടെ ഫ്യൂസ് വൈദ്യുതി ബോർഡ് ഊരി. പഞ്ചായത്ത് വൈദ്യുതി ചാര്ജില് കുടിശിഖ വരുത്തിയതോടെയാണ് ഫ്യൂസ് ഊരിയത്. ഇതോടെ സ്റ്റാന്ഡും പരിസരങ്ങളും ഇരുട്ടിലായി. പഞ്ചായത്ത് സ്വകാര്യ വ്യക്തിയുടെ സഹായത്തോടെ സ്ഥാപിച്ച വിളക്കുകളുടെ ഫ്യൂസാണ് ഊരിയത്. എന്നാല് ചാര്ജ് അടയ്ക്കണമെന്നു കാട്ടിയുള്ള കത്തുകളൊന്നും പഞ്ചായത്തില് ലഭിച്ചിട്ടില്ലെന്നാണ് ഉദ്യോഗസ്ഥഭാക്ഷ്യം.
അഞ്ഞൂറ് രൂപയില് താഴെ വരുന്ന തുകയാണ് കുടിശിഖ വരുത്തിയിരിക്കുന്നത്. വെളിച്ചം ഇല്ലാതായതോടെ തെരുവുനായകളേയും ഇഴജന്തുക്കളേയും ഭയന്നു യാത്രക്കാര്ക്ക് ബസ് കാത്തുനില്ക്കേണ്ട അവസ്ഥയാണ് ഉണ്ടായിരിക്കുന്നത്. നിലവില് സ്റ്റാന്ഡിലെ വ്യാപാര സ്ഥാപനങ്ങളിലേയും വാഹനങ്ങളിലേയും വെളിച്ചമാണ് യാത്രക്കാര്ക്ക് രക്ഷയാകുന്നത്.
