റാന്നി: കെ.എസ്.ഇ.ബി റാന്നി നോർത്ത് വൈദ്യുതി സെക്ഷനിലെ ജീവനക്കാരൻ ഡ്യൂട്ടിക്കിടെ കുഴഞ്ഞുവീണ് മരിച്ചു. പഴവങ്ങാടി തടം സ്വദേശി പറക്കാട്ടില് ബാബു എബ്രഹാം(55) ആണ് മരിച്ചത്. ഇന്ന് രാവിലെയായിരുന്നു സംഭവം. രാവിലെ ഓഫീസിൽ ജീവനക്കാരുടെ പതിവ് ‘സൺറൈസ് മീറ്റിംഗ്’ നടക്കുന്നതിനിടയിലാണ് ഇദ്ദേഹത്തിന് ശാരീരിക അസ്വസ്ഥത അനുഭവപ്പെടുകയും കുഴഞ്ഞുവീഴുകയും ചെയ്തത്. ഉടൻ തന്നെ സഹപ്രവർത്തകർ ചേർന്ന് അദ്ദേഹത്തെ അടുത്തുള്ള റാന്നി മാർത്തോമ്മാ ഹോസ്പിറ്റലിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം റാന്നി മാര്ത്തോമ്മാ ആശുപത്രി മോർച്ചറിയിലേക്ക് മാറ്റി. സംസ്കാരം 13ന് ഉച്ചകഴിഞ്ഞ് 2:30ന് പഴവങ്ങാടിക്കര ഇമ്മാനുവേൽ മാർത്തോമ്മാ പള്ളിയില് നടക്കും. ഭാര്യ – സനു ബാബു. മക്കള് – അൻസു റേച്ചൽ ബാബു, അനീസ.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
