തിരുവനന്തപുരം : വൈദ്യുതി ആവശ്യകത വർധിക്കുന്ന സാഹചര്യത്തിൽ സംസ്ഥാനത്തെ കാറ്റാടി നിലയങ്ങളിൽ നിന്ന് 500 മെഗാവാട്ട് വൈദ്യുതി ലഭ്യമാക്കാനൊരുങ്ങി കെ.എസ്.ഇ.ബി. ഇതിനായുള്ള താരിഫ് അധിഷ്ഠിത ബിഡിന് അനുമതിതേടി കെ.എസ്.ഇ.ബി റെഗുലേറ്ററി കമീഷനെ സമീപിച്ചു. തെളിവെടുപ്പിന് ശേഷമാവും കമീഷൻ ഇതിന് അനുമതി നൽകുക. കാറ്റാടി നിലയങ്ങൾ കൂടുതലായി സ്ഥാപിച്ചുള്ള വൈദ്യുതി ഉൽപാദനത്തിന് വരും വർഷങ്ങളിൽ മുൻഗണന നൽകാനും കെ.എസ്.ഇ.ബി ശ്രമിക്കുന്നു. ആഭ്യന്തര ഉൽപാദനത്തിനുള്ള പ്രവർത്തനങ്ങൾ വേഗത്തിലാക്കാൻ എൻജിനീയർമാരുടെ പുനഃസംഘടനയടക്കം വിവിധ പരിഷ്കാരങ്ങൾ അടുത്തിടെ നടപ്പാക്കിയിരുന്നു. കഴിഞ്ഞ 15 വർഷത്തിനിടെ ജലവൈദ്യുതി പദ്ധതികളിൽനിന്ന് പുതുതായി 192.91 മെഗാവാട്ട് ഉൽപാദനശേഷി മാത്രം നേടാനായപ്പോൾ കാറ്റിൽനിന്നുള്ള വൈദ്യുതോൽപാദന വർധന രണ്ട് മെഗാവാട്ട് മാത്രമായിരുന്നുവെന്നാണ് കെ.എസ്.ഇ.ബി രേഖകൾ വ്യക്തമാക്കുന്നത്. കാറ്റില്‍ നിന്നും വൈദ്യുതി ഉൽപാദനത്തിന് കേരളത്തിൽ ഏറെ സാധ്യതയുണ്ടെങ്കിലും വേണ്ടവിധം പ്രയോജനപ്പെടുത്താൻ ഇനിയുമായിട്ടില്ല.
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള കേരളത്തിലെ 42 ഓണ്‍ ലൈന്‍ ചാനലുകളില്‍ ഒന്നും (മലയാള മനോരമ, ഏഷ്യാനെറ്റ്, മാത്രുഭൂമി തുടങ്ങിയവ ഉള്‍പ്പെടെ) പത്തനംതിട്ട, ഇടുക്കി ജില്ലകളിലെ ഏക അംഗീകൃത ഓണ്‍ലൈന്‍ ചാനലുമാണ് പത്തനംതിട്ട മീഡിയ. കേന്ദ്ര ഇന്‍ഫര്‍മേഷന്‍ & ബ്രോഡ്‌കാസ്റ്റിംഗ് മന്ത്രാലയത്തിന്റെ അംഗീകാരത്തോടെയാണ് പത്തനംതിട്ട മീഡിയയുടെ പ്രവര്‍ത്തനം. പുതിയ IT നിയമം അനുസരിച്ച് പരാതി പരിഹാരത്തിന് പ്രത്യേക സംവിധാനവും പത്തനംതിട്ട മീഡിയ ഒരുക്കിയിട്ടുണ്ട്. മറ്റുള്ള ചാനലുകള്‍ പോലെ സംസ്ഥാന വാര്‍ത്തകളോടൊപ്പം ദേശീയ, അന്തര്‍ദേശീയ വാര്‍ത്തകളും പ്രസിദ്ധീകരിക്കുന്ന ഓണ്‍ലൈന്‍ ന്യൂസ് പോര്‍ട്ടലാണ് പത്തനംതിട്ട മീഡിയ. വ്യാജ വാര്‍ത്തകളോ കെട്ടിച്ചമച്ച വാര്‍ത്തകളോ പത്തനംതിട്ട മീഡിയയില്‍ ഉണ്ടാകില്ല. വായനക്കാരുടെ അഭിപ്രായങ്ങള്‍ക്കും നിദ്ദേശങ്ങള്‍ക്കും മുന്തിയ പരിഗണന നല്‍കിക്കൊണ്ടാണ് മാനേജ്മെന്റ് മുമ്പോട്ടു പോകുന്നത്. ആപ്പ് പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
