പത്തനംതിട്ട : കേരള സ്റ്റേറ്റ് പ്രീ പ്രൈമറി ടീച്ചേഴ്സ് അസോസിയേഷൻ പത്തനംതിട്ട ജില്ലാ കമ്മിറ്റിയുടെ ആഭിമുഖ്യത്തിൽ അധ്യാപികമാരും ആയമാരും പത്തനംതിട്ട സിവിൽ സ്റ്റേഷനു മുൻപിൽ പ്രതിഷേധ ധർണ്ണ നടത്തി. സി.പി.ഐ (എം) ജില്ലാ സെക്രട്ടറിയേറ്റ് അംഗം ടി.ഡി ബൈജു പ്രതിഷേധ ധർണ്ണ ഉദ്ഘാടനം ചെയ്തു. അസോസിയേഷൻ പത്തനംതിട്ട ജില്ലാ പ്രസിഡന്റ് വീണ വി. പിള്ള അദ്ധ്യക്ഷത വഹിച്ചു.
സർക്കാർ സ്കൂളിൽ ഓണറേറിയം വാങ്ങുന്ന അധ്യാപികമാരുടെ തസ്തിക സൃഷ്ടിച്ച് ശമ്പള സ്കെയിൽ അനുവദിക്കുക, 2012 ന് ശേഷം നിയമിച്ച അധ്യാപികമാര്‍ക്കും ആയമാർക്കും നിയമന അംഗീകാരം നൽകി ഓണറേറിയം അനുവദിക്കുക, പെൻഷൻപ്രായം നിജപ്പെടുത്തി പെൻഷൻ അനുവദിക്കുക തുടങ്ങിയ ആവശ്യങ്ങളുന്നയിച്ചാണ് ധർണ്ണ നടത്തിയത്. ജില്ലാ സെക്രട്ടറി സജീന ഐ, സംസ്ഥാന എക്സിക്യൂട്ടീവ് അംഗം പ്രസന്ന എസ് നായർ, നിഷ എം എന്നിവര്‍ പ്രസംഗിച്ചു.
