തിരുവനന്തപുരം: സ്ഥിരമായി കേസുകള് തോല്ക്കുന്നതിനെ തുടര്ന്ന് കെ.എസ്.ആര്.ടി.സി. നിയമ വിഭാഗത്തില് അഴിച്ചുപണി. ചീഫ് ലോ ഓഫീസര് എസ്.രാധാകൃഷ്ണനെ മാറ്റി. പകരം ചുമതല എറണാകുളം ഡെപ്യൂട്ടി ലോ ഓഫീസര് ഹേമയ്ക്ക് നല്കി.
നിയമവിഭാഗത്തിന്റെ പോരായ്മകള് പരിഹരിക്കാനാണ് നടപടികള്. ഇതിനായി ഹൈക്കോടതിയിലെ അഭിഭാഷകരെ ഉള്പ്പെടുത്തി നിയമ ഉപദേശക പാനല് രൂപീകരിക്കും. തിരുവനന്തപുരം മേഖലയിലെ പെന്ഷന്കാര്യ വിഭാഗത്തിലേക്കാണ് രാധാകൃഷ്ണന് മാറ്റം നല്കിയിരിക്കുന്നത്. നിരവധി കേസുകളില് തിരിച്ചടി നേരിട്ടത് നിയമവിഭാഗത്തിന്റെ കാര്യക്ഷമത ഇല്ലായ്മയാണെന്നാണ് കണ്ടെത്തല്.
