തിരുവനന്തപുരം : യാത്രക്കാരിയായ അധ്യാപികക്ക് നേരെയുണ്ടായ ലൈംഗികാതിക്രമം തടയുന്നതില് ജാഗ്രതക്കുറവ് കാണിച്ച കണ്ടക്ടര്ക്ക് സസ്പെന്ഷന്. വി കെ ജാഫറിനെ സ്പെന്ഡ് ചെയ്ത് കെഎസ്ആര്ടിസി സിഎംഡി ഉത്തറവിറക്കി. കണ്ടക്ടറുടെ പ്രവര്ത്തി ഗുരുതര സ്വഭാവദൂഷ്യവും കൃത്യവിലോപവും ചട്ടലംഘനവും നിരുത്തരവാദപരവുമാണെന്നുമുളള കണ്ടെത്തലിന്റെ അടിസ്ഥാനത്തിലാണ് നടപടി.
ബസില് തിരുവനന്തപുരത്ത് നിന്ന് കോഴിക്കോട്ടേക്ക് വരുമ്പോഴാണ് അധ്യാപികയായ യുവതിക്ക് നേരെ സഹയാത്രികന്റെ ലൈംഗികാതിക്രമമുണ്ടായത്. പരാതിപ്പെട്ടിട്ടും കണ്ടക്ടര് ഇടപെട്ടിരുന്നില്ലെന്ന് അധ്യാപിക ആരോപിച്ചിരുന്നു. തുടര്ന്ന് വിശദമായ അന്വേഷണത്തിന് ഗതാഗത മന്ത്രി ഉത്തരവിട്ടിരുന്നു. ഇതിന്റെ അടിസ്ഥാനത്തില് കെഎസ്ആര്ടിസി വിജിലന്സ് വിഭാഗം റിപ്പോര്ട്ട് സമര്പ്പിച്ചു. ഇതിന്റെ അടിസ്ഥാനത്തിലാണ് നടപടി.
