തിരുവനന്തപുരം : കെ.എസ്.ആര്.ടി.സി മാനേജിംഗ് ഡയറക്ടര് ബിജു പ്രഭാകറിന് എതിരെ തിരുവനന്തപുരത്ത് ജീവനക്കാരുടെ പ്രതിഷേധം. ട്രാന്സ്പോര്ട്ട് ഡെമോക്രാറ്റിക് ഫെഡറേഷനാണ് പ്രതിഷേധം സംഘടിപ്പിക്കുന്നത്. തൊഴിലാളികളെ അപമാനിച്ചുവെന്ന് ആരോപിച്ചാണ് പ്രതിഷേധം.
അതേസമയം കെ.എസ്.ആര്.ടി.സിയില് അടിമുടി അഴിച്ചുപണി ആവശ്യമെന്ന് മാനേജിംഗ് ഡയറക്ടര് ബിജു പ്രഭാകര് തുറന്നടിച്ചു. എല്ലാ മേഖലകളിലും വ്യാപകമായ അഴിമതിയും ക്രമക്കേടും കണ്ടെത്തി. ടിക്കറ്റ് മെഷീനില് ഉള്പ്പെടെ കൃത്രിമം കാട്ടി വന് തുക കൊള്ളയടിക്കുന്നതായി കണ്ടെത്തിയെന്നും എംഡി പറഞ്ഞു.
പഴയ ടിക്കറ്റ് നല്കി കണ്ടക്ടര്മാര് പണം തട്ടുന്നതായി ശ്രദ്ധയില്പ്പെട്ടു. വര്ക്ക് ഷോപ്പിലെ ലോക്കല് പര്ച്ചേസിലും സാമഗ്രികള് വാങ്ങുന്നതിലും കമ്മീഷന് പറ്റുന്നു. ഡീസല് വെട്ടിപ്പ് തുടരാനാണ് ജീവനക്കാര് സിഎന്ജിയെ എതിര്ക്കുന്നതെന്നും ബിജു പ്രഭാകര്. 2012-15 കാലയളവില് 100 കോടിയുടെ തട്ടിപ്പ് സ്ഥാപനത്തില് നടന്നതായും അദ്ദേഹം ചൂണ്ടിക്കാട്ടി.
