തിരുവനന്തപുരം : കെ.എസ്.ആര്.ടി.സിയുടെ ആദ്യ എല്.എന്.ജി ബസ് സര്വ്വീസ് തിങ്കളാഴ്ച ഉത്ഘാടനം ചെയ്യും . തിരുവനന്തപുരം സെന്ട്രല് ബസ് സ്റ്റേഷനില് നിന്നും ഉച്ചയ്ക്ക് 12 മണിക്കുള്ള ആദ്യ സര്വ്വീസ് ഗതാഗത വകുപ്പ് മന്ത്രി ആന്റണി രാജു ഫ്ലാഗ് ഓഫ് ചെയ്യും. തിരുവനന്തപുരം – എറണാകുളം, എറണാകുളം – കോഴിക്കോട് റൂട്ടുകളിലാണ് സര്വീസ്. സംസ്ഥാനത്തെ പൊതു ഗതാഗത രംഗത്തെ ഇന്ധന ചിലവ് കുറയ്ക്കുന്നതിന് വേണ്ടിയാണ് ഹരിത ഇന്ധനത്തിലേക്കുള്ള മാറ്റം.
കേന്ദ്ര ഗവണ്മെന്റിന്റെ ഉടമസ്ഥതയിലുള്ള പെട്രോനെറ്റ് എല്എന്ജി ലിമിറ്റഡ് നിലവില് അവരുടെ പക്കലുള്ള രണ്ട് എല്എന്ജി ബസുകള് മൂന്ന് മാസത്തേക്ക് കെ.എസ്.ആര്.ടി.സിക്ക് വിട്ടു തന്നിട്ടുണ്ട്. ഈ മൂന്ന് മാസ കാലയളവില് ഈ ബസുകളുടെ സാങ്കേതികവും സാമ്പത്തികവുമായ സാദ്ധ്യതാപഠനം നടത്തുന്നതാണെന്നും ഗതാഗതമന്ത്രി അറിയിച്ചു.