തിരുവനന്തപുരം: തിരുവനന്തപുരം തമ്പാനൂര് കെ എസ് ആര് ടി സി ഡിപ്പോ പ്രധാനമന്ത്രി നരേന്ദ്ര മോദിയുടെ സന്ദര്ശനം കണക്കിലെടുത്ത് ഏപ്രില് 25ന് രാവിലെ എട്ട് മുതല് 11 മണി വരെ അടച്ചിടും. അന്നേ ദിവസം തമ്പാനൂര് ബസ് സ്റ്റാന്ഡിലെ ഷോപ്പിംഗ് കോംപ്ലക്സിലെ എല്ലാ കടകളിലും ഓഫീസുകളും 11 ന് ശേഷം മാത്രമായിരിക്കും പ്രവര്ത്തനാനുമതി.
ബസ് സ്റ്റാന്ഡിലെ പാര്ക്കിംഗ് എല്ലാം തലേ ദിവസം ഒഴിപ്പിക്കും. തമ്പാനൂരില്നിന്നുള്ള ബസ് സര്വീസുകളെല്ലാം വികാസ് ഭവനില്നിന്നായിരിക്കും ഓപ്പറേറ്റ് ചെയ്യുന്നത്. ഇന്ന് ചേര്ന്ന കെഎസ്ആര്ടിസി ഉന്നത ഉദ്യോഗസ്ഥരുടെയും തിരുവനന്തപുരം സിറ്റി പൊലീസ് കമ്മീഷണറുടെയും യോഗത്തിലാണ് ഇതുസംബന്ധിച്ച് തീരുമാനമായത്.
