തിരുവനന്തപുരം: കെഎസ്ആര്ടിസിയുടെ പ്രതിദിന വരുമാനം സര്വ്വകാല റിക്കാര്ഡിലേക്ക്. ഓണാവധിക്ക് ശേഷമുള്ള ആദ്യ പ്രവര്ത്തി ദിനമായ തിങ്കളാഴ്ച ( സെപ്തംബര് -4 ) ന് പ്രതിദിന വരുമാനം 8.79 കോടി രൂപ എന്ന നേട്ടം കൊയ്തു. ഈ ഓണക്കാലത്ത് ആഗസറ്റ് 26 മുതല് ഒക്ടോബര് 4 വരെയുള്ള 10 ദിവസങ്ങളിലായി 70.97 കോടി രൂപയുടെ വരുമാനമാണ് കെഎസ്ആര്ടിക്ക് ലഭിച്ചത്. അതില് 5 ദിവസം വരുമാനം 7 കോടി രൂപ കടന്നു.
26 ന് 7.88 കോടി, 27 ന് 7.58 കോടി, 28 ന് 6.79 കോടി, 29 തിന് 4.39 കോടി, 30 തിന് 6.40 കോടി, 31 ന് 7.11 കോടി, സെപ്തംബര് 1 ന് 7.79 കോടി, 2 ന് 7.29 കോടി, 3 ന് 6.92 കോടി എന്നിങ്ങനെയാണ് പ്രതിദിന വരുമാനം. കെഎസ്ആര്ടിസി മാനേജ്മെന്റും, ജീവനക്കാരും ഒറ്റക്കെട്ടായി പ്രവര്ത്തിച്ചതിന്റെ ഫലമായാണ് റെക്കോര്ഡ് വരുമാനം ലഭിച്ചതെന്നും, ഇതിന് പിന്നില് രാപ്പകല് ഇല്ലാതെ പ്രവര്ത്തിച്ച മുഴുവന് ജീവക്കാരെയും അഭിനന്ദിക്കുന്നതായും സിഎംഡി അറിയിച്ചു.
