തിരുവനന്തപുരം : കെ.എസ്.ആര്.ടി.സി വിജിലന്സ് എക്സിക്യൂട്ടീവ് ഡയറക്ടര്ക്ക് കാരണം കാണിക്കല് നോട്ടീസ്. വിജിലന്സ് ഡയറക്ടര് പി.എം ഷറഫ് മുഹമ്മദിനാണ് കാരണം കാണിക്കല് നോട്ടിസ് നല്കിയത്. സസ്പെന്ഡ് ചെയ്ത ജീവനക്കാരെ സിഎംഡിയുടെ അനുമതിയില്ലാതെ തിരിച്ചെടുത്തതുമായി ബന്ധപ്പെട്ടാണ് നടപടി.
പോക്സോ കേസില് റിമാന്ഡ് ചെയ്ത കാസര്ഗോഡ് ഡിപ്പോയിലെ സെലക്ഷന് ഗ്രേഡ് അസിസ്റ്റന്റായ ഹരീഷ്. എസ് മുരളി, വിദേശ മദ്യം കടത്തിയ കേസില് സസ്പെന്ഡ് ചെയ്ത പൊന്കുന്നം ഡിപ്പോയിലെ ഡ്രൈവര്, കണ്ടക്ടര്, കഴിഞ്ഞ ഒക്ടോബര് 12 സസ്പെന്ഡ് ചെയ്ത അഞ്ച് മെക്കാനിക്കല് വിഭാഗം ജീവനക്കാര് എന്നിവരെയാണ് സിഎംഡിയുടെ അനുമതിയില്ലാതെ വിജിലന്സ് ഡയറക്ടര് തിരിച്ചെടുത്തത്.