തിരുവനന്തപുരം : ആഗസ്ത് 31, സെപ്തംബര് 1,3 തീയതികളിലായി നടന്ന കെ.ടെറ്റ് മെയ് 2021 പരീക്ഷയുടെ ഫലം പ്രസിദ്ധീകരിച്ചു. പരീക്ഷാഭവന് വെബ് സൈറ്റിലും (www.pareekshabhavan.gov.in), www.ktet.kerala.gov.in- എന്ന വെബ് പോര്ട്ടലിലും ഫലം ലഭ്യമാണ്. നാല് കാറ്റഗറികളിലായി 72229 പേര് പരീക്ഷയെഴുതിയതില് 19588 പേര് കെ.ടെറ്റ് യോഗ്യതാ പരീക്ഷ വിജയിച്ചു.
നാല് കാറ്റഗറികളിലായി ആകെ വിജയശതമാനം 27.12 ശതമാനമാണ്. കാറ്റഗറി ഒന്നില് 6653 പേര് വിജയിച്ചു. വിജയശതമാനം 33.74%. കാറ്റഗറി രണ്ടില് 4581 പേര് വിജയിച്ചു. വിജയശതമാനം 30.95%. കാറ്റഗറി മൂന്നില് വിജയം 5849, വിജയശതമാനം 20.51%. നാലാമത്തെ കാറ്റഗറിയില് 2505 പേര് പരീക്ഷ വിജയിച്ചപ്പോള് വിജയശതമാനം 27.25%.
പരീക്ഷ വിജയിച്ചവര് വിജ്ഞാപനത്തില് നിഷ്കര്ഷിക്കുന്ന പ്രകാരമുള്ള യോഗ്യതയുണ്ടെന്ന് ഉറപ്പുവരുത്തുന്നതിനായി ബന്ധപ്പെട്ട ഒറിജിനല് സര്ട്ടിഫിക്കറ്റുകളുടെ പരിശോധനക്കായി അവരവരുടെ പരീക്ഷാ സെന്റര് സ്ഥിതിചെയ്യുന്ന സ്ഥലത്തെ ജില്ലാവിദ്യാഭ്യാസ ഒാഫീസില് ഹാജരാകേണ്ടതുണ്ട്.
