അയിരൂര് : കോവിഡ്-19 വ്യാപനത്തിലൂടെ സ്തംഭനാവസ്ഥയിലായ കുടുംബശ്രീ സംരഭകര്ക്ക് ഉണര്വേകാനും കുടുംബശ്രീ അംഗങ്ങള്ക്ക് ഓണത്തോടനുബന്ധിച്ച് ഒരു ചെറിയ കരുതലിനുമായി ആരംഭിച്ചതാണ് ‘കരുതലായി ഒരുമയോടെ കൈകോര്ക്കാം കരുതല്’ പദ്ധതി. പത്തനംതിട്ട ജില്ലയിലെ കരുതല് പദ്ധതിയുടെ ഉദ്ഘാടനം അയിരൂര് പഞ്ചായത്തില് ജില്ല പഞ്ചായത്ത് വൈസ് പ്രസിഡന്റ് ജോര്ജ് മാമ്മന് കൊണ്ടുര് നിര്വ്വഹിച്ചു.
പഞ്ചായത്ത് പ്രസിഡന്റെ് പി. ടി തോമസ്കുട്ടി അധ്യക്ഷനായ ചടങ്ങില് കുടുംബശ്രീ എ.ഡി.എം.സി എല്.ഷീല പദ്ധതി വിശദീകരിച്ചു. സി.ഡി.എസ് ചെയര്പേഴ്സണ് സൂസന് ഫിലിപ്പ്, ഡി.പി.എം അനു ഗോപി, ബ്ലോക്ക് കോ ഓര്ഡിനേറ്റര് ധനേഷ്.എം പണിക്കര്, അയിരൂര് പഞ്ചായത്ത് വാര്ഡ് മെമ്പര്മാര്, എം.ഇ.സി ധന്യ, സംരംഭകര്, അക്കൗണ്ടന്റ് എന്നിവര് സംസാരിച്ചു. കുടുംബശ്രീ അംഗങ്ങള്ക്ക് ആയിരം രൂപയുടെ 19 തരം കുടുംബശ്രീ ഉല്പന്നങ്ങള് ഒരു കിറ്റിലാക്കി അയല്ക്കൂട്ടം വഴി വിതരണം ചെയ്തു.
