ഇരവിപേരൂര് : ഓണക്കാലത്തെ പച്ചക്കറി വിപണിയിലെ ഇടപെടല് എന്ന നിലയ്ക്ക് ഇരവിപേരൂര് ഗ്രാമപഞ്ചായത്തിലെ കൃഷി ഭവന്റെയും ഓതറ ഫാര്മേസ് അസോസിയേഷന്റേയും സഹകരണത്തില് പച്ചക്കറി വിപണി ആരംഭിച്ചു. പഞ്ചായത്ത് പ്രദേശത്തെ കാര്ഷിക ഉത്പന്നങ്ങള് വിപണി വിലയേക്കാള് 10 ശതമാനം അധികം നല്കി കര്ഷകരില് നിന്ന് സംഭരിക്കുവാനും വിപണി വിലയേക്കാള് 30 ശതമാനംവരെ വിലക്കുറവില് വിറ്റഴിക്കുവാനും ഈ വിപണിയിലൂടെ സാധിക്കും.
നന്നൂര് എസ് എസ് എല് ലൈബ്രറിയിലും ഓതറ ആല്ത്തറ ജംഗ്ഷനിലുമായാണ് രണ്ടു വിപണികള് പ്രവര്ത്തിക്കുന്നത്. പ്രാദേശികമായി ഉത്പാദിപ്പിച്ച കാര്ഷിക ഉത്പന്നങ്ങള്ക്ക് പ്രാദേശിക വിപണന സൗകര്യം ലഭിക്കുന്നത് ഇവിടെ ഇത് ആദ്യമായിട്ടാണ്. ഏത്തക്കുല, ചേന, കാച്ചില് മുതലായവ ഉത്പന്നങ്ങളുടെ സംഭരണത്തില് മികച്ച പ്രതീകരണമാണ് കര്ഷകരില് നിന്നുമുണ്ടായിട്ടുള്ളത്. 30 വരെ വിപണി പ്രവര്ത്തിക്കും. വിപണിയിലേക്കുള്ള കാര്ഷിക ഉത്പന്നങ്ങളുടെ സംഭരണ ഉദ്ഘാടനം വീണാ ജോര്ജ് എം എല് എ യും ആദ്യ വില്പന ഗ്രാമപഞ്ചായത്ത് പ്രസിഡന്റും നിര്വഹിച്ചു.
