ഓതറ : കെ.എസ്.എഫ്.ഇ യുടെ 613-ാമത് ശാഖ ഓതറ പഴയകാവില് ആരംഭിച്ചു. ശാഖയുടെ ഉദ്ഘാടനം വീണാ ജോര്ജ് എംഎല്എ നിലവിളക്കു തെളിച്ചു നിര്വ്വഹിച്ചു. കെ.എസ്.എഫ്.ഇ ചെയര്മാന് അഡ്വ. ഫിലിപ്പോസ് തോമസ് അധ്യക്ഷനായിരുന്നു.
ഷോപ്പ് ആന്റ് എസ്റ്റാബ്ലിഷ്മെന്റ് ബോര്ഡ് ചെയര്മാന് അഡ്വ. കെ അനന്തഗോപന് മുഖ്യ പ്രഭാഷണം നടത്തി. കെ.എസ്.എഫ്.ഇ മാനേജിംഗ് ഡയറക്ടര് വി.പി സുബ്രമണ്യന്, ഗ്രാമപഞ്ചായത്ത് പ്രസിഡന്റ് അനസൂയാദേവി, വൈസ് പ്രസിഡന്റ് അഡ്വ.എന്.രാജീവ്, ബ്ലോക്ക് പഞ്ചായത്ത് അംഗം ജോസഫ് മാത്യു, വാര്ഡ് അംഗം വി.ടി ശോശാമ്മ, കെ.എസ്.എഫ്.ഇ മാനേജിംഗ് ഡയറക്ടര് വി.പി സുബ്രമണ്യന്, ബ്രാഞ്ച് മാനേജര് ഉദയാദേവി എന്നിവര് സംസാരിച്ചു.
കുടുംബശ്രീ അംഗങ്ങളുടെ മക്കള്ക്ക് ഓണ്ലൈന് വിദ്യാഭ്യാസത്തിനായി ടെലിവിഷന്, സ്മാര്ട്ട് ഫോണ് എന്നിവ നല്കുന്ന ചിട്ടിയടക്കം ഗ്രാമീണമേഖയെ കരുതിയുള്ള പുതിയ സ്കീമുകളുമായാണ് കെ.എസ്.എഫ്.ഇ യുടെ ശാഖകള് കൂടുതലായി പ്രവര്ത്തന ആരംഭിക്കുന്നതെന്ന് കെ.എസ്.എഫ്.ഇ ചെയര്മാന് അഡ്വ. ഫിലിപ്പോസ് തോമസ് പറഞ്ഞു. ചിട്ടി സ്ഥാപനം എന്നതില് ഉപരി സംസ്ഥാനത്തെ ഏറ്റവും വലിയ ബാങ്കിംഗ് ഇതര ധനകാര്യ സ്ഥാപനമായി വളരുകയാണ് ലക്ഷ്യമെന്നും അദ്ദേഹം പറഞ്ഞു.