പത്തനംതിട്ട : പ്രാദേശിക സാമ്പത്തിക വികസനം ലക്ഷ്യമാക്കി കുടുംബശ്രീ നാളെ(29) മുതല്‍ 31 വരെ പത്തനംതിട്ട പ്രൈവറ്റ് ബസ് സ്റ്റാന്‍ഡിനു സമീപമുള്ള ഓപ്പണ്‍ എയര്‍ സ്റ്റേഡിയത്തില്‍ ന്യുഇയര്‍ ഫെയര്‍-2021 നടത്തും.
ന്യു ഇയര്‍ ഫെയര്‍ രാവിലെ 10 മണിക്ക് നഗരസഭ ചെയര്‍മാന്‍ അഡ്വ.ടി.സക്കീര്‍ ഹുസൈന്‍ ഉദ്ഘാടനം ചെയ്യും. മേളയില്‍ കുടുംബശ്രീ സംരംഭകര്‍ ഉല്‍പ്പാദിപ്പിക്കുന്ന മായം കലരാത്ത വിവിധയിനം ഭക്ഷ്യ ഉല്‍പ്പന്നങ്ങള്‍, കറിപൗഡറുകള്‍, മില്‍മ ഉല്‍പ്പന്നങ്ങള്‍, പച്ചക്കറികള്‍ മറ്റു ഭക്ഷ്യേതര ഉല്‍പ്പന്നങ്ങള്‍ എന്നിവ മിതമായ വിലയില്‍ ലഭ്യമാകും. പ്രതിസന്ധികളെ തരണം ചെയ്യുവാനും അവയിലെ അവസരങ്ങളെ കണ്ടെത്തി വരുമാനമാക്കി മാറ്റി അനേക വനിതകളുടെ കൈത്താങ്ങാകുകയാണ് കുടുംബശ്രീ.
