ഇടുക്കി : കുളമാവ് ഡാമില് മീന് പിടിക്കാന് പോയ യുവാവ് വല വിരിക്കുന്നതിനിടെ വലയില് കുടുങ്ങി മുങ്ങി മരിച്ചു. കുന്നുംപുറത്ത് കെ.സി ഷിബുവാണ് മരിച്ചത്. ഇന്നലെ വൈകുന്നേരം കുളമാവ് ഡാമില് മത്സ്യബന്ധനത്തിന് പോയ ഷിബു രാത്രിയായിട്ടും തിരിച്ചുവന്നില്ല. ഇന്ന് പുലര്ച്ചെ മീന് പിടിക്കാന് പോയ സമീപവാസികളാണ് വലയില് കുടുങ്ങി കിടക്കുന്ന നിലയില് ഷിബുവിന്റെ മൃതദേഹം കണ്ടത്. ഇവര് അറിയിച്ചതിനെ തുടര്ന്ന് കുളമാവ് പോലീസും തൊടുപുഴയില് നിന്നുള്ള ഫയര്ഫോഴ്സും എത്തി മൃതദേഹം പുറത്തെടുക്കുകയായിരുന്നു.
