പത്തനംതിട്ട : കുമ്പഴയില് മധ്യവയസ്കനെ തൂങ്ങിമരിച്ച നിലയില് കണ്ടെത്തി. മൃതദേഹത്തിന് നാലുദിവസത്തിലധികം പഴക്കമുണ്ട്. കുമ്പഴ ചെറുകുന്നത്ത് ശശിധരന് നായര് (50) ആണ് മരിച്ചത്. അസഹ്യമായ ദുര്ഗന്ധം വമിച്ചതിനെ തുടര്ന്ന് സമീപവാസികള് വാര്ഡ് കൌണ്സിലര് ഇന്ദിരാമണിയുടെ സാന്നിധ്യത്തില് വീടിന്റെ ജനല് കുത്തിതുറന്നപ്പോഴാണ് മൃതദേഹം കാണുന്നത്. തുടര്ന്ന് പത്തനംതിട്ട പോലീസ് സ്ഥലത്തെത്തി മേല്നടപടികള് സ്വീകരിച്ചു.
ഏറെനാളായി ശശിധരന് നായര് കുമ്പഴ ചാങ്ങേല് പടിയിലുള്ള വീട്ടില് ഒറ്റക്കാണ് താമസം. ഭാര്യയും രണ്ട് ആണ് മക്കളും ഉണ്ടെങ്കിലും ഇവരുമായി പിണക്കത്തിലാണ്. മൈലപ്രയിലെ സ്വകാര്യ സ്കൂളിന്റെ ബസ്സില് ഡ്രൈവര് ആയിരുന്നു. എന്നാല് കുറെനാളായി ജോലിക്കും പോകുന്നുണ്ടായിരുന്നില്ല.
