പത്തനംതിട്ട : ജില്ലയില് ആരോഗ്യ രംഗത്ത് മികച്ച പ്രവര്ത്തനം കാഴ്ച വെച്ച കുമ്പഴ നഗര കുടുംബാരോഗ്യ കേന്ദ്രത്തിന് ദേശിയ ഗുണനിലവാര അംഗീകാരമായ നാഷണല് ക്വാളിറ്റി അഷുറന്സ് സ്റ്റാന്ഡേഡ്സ് ലഭിച്ചു. 97.75% സ്കോർ നേടിയാണ് കുമ്പഴ നഗര കുടുംബാരോഗ്യ കേന്ദ്രം ഈ നേട്ടം കൈവരിച്ചത്. സർവീസ് പ്രൊവിഷൻ, പേഷ്യന്റ് റൈറ്റ്സ്, ഇൻപുട്ട്സ്, സപ്പോർട്ടീവ് സർവീസസ്, ക്ലിനിക്കൽ സർവീസസ്, ഇൻഫെക് ഷൻ കൺട്രോൾ, ക്വാളിറ്റി മാനേജ്മെൻ്റ്, ഔട്ട്കം എന്നീ വിഭാഗങ്ങളിലായി 70 ശതമാനത്തിനു മുകളിൽ സ്കോർ ലഭിക്കുന്ന സ്ഥാപനങ്ങൾക്കാണ് നാഷണല് ക്വാളിറ്റി അഷുറൻസ് സ്റ്റാന്ഡേഡ്സ് അംഗീകാരം ലഭിക്കുന്നത്.
ആശുപ്രത്രികളുടെ ഗുണനിലവാര മാനദണ്ഡം ഉറപ്പാക്കുന്നതിനായി ജില്ലാ, സംസ്ഥാന, ദേശീയ തലത്തിലുള്ള പ്രത്യേക ഗുണനിലവാര സമിതി നടത്തുന്ന വിദഗ്ധ പരിശോധനകൾക്കു ശേഷമാണ് അംഗീകാരം തീരുമാനിക്കു ന്നത്. നഗരസഭയുടെയും ആരോഗ്യ വകുപ്പിന്റെയും ആരോഗ്യകേരള ത്തിന്റെയും ജീവനക്കാരുടെയും ഒത്തൊരുമിച്ചുള്ള പ്രവർത്തന ങ്ങളുടെ ഫലമായിട്ടാണ് ഈ നേട്ടം കൈവരിക്കാനായതെന്ന് നഗരസഭ പ്രതിനിധികൾ പറഞ്ഞു.
