കുമ്പഴ : മരണത്തിലും അവര് ഒന്നിച്ചു, ഭാര്യയുടെ മൃതദേഹം സംസ്കാരത്തിന് വീട്ടില് നിന്ന് എടുത്തപ്പോള് ഭര്ത്താവ് കുഴഞ്ഞുവീണ് മരിച്ചു. കഴിഞ്ഞ ദിവസം മരിച്ച കുമ്പഴ തോട്ടുവശത്ത് പനംതോപ്പില് സൂസമ്മ(84) യുടെ സംസ്കാരം ഇന്ന് 12 മണിക്ക് കുമ്പഴ സെന്റ് മേരീസ് കത്തോലിക്കാ പള്ളിയില് നടത്തുന്നതിന്റെ ഭാഗമായി വീട്ടിലെ ശുശ്രൂഷ 11 മണിയോടെ പൂര്ത്തിയാക്കി വിലാപയാത്ര പള്ളിയിലേക്ക് പുറപ്പെടുമ്പോള് ഭര്ത്താവ് സ്റ്റീഫന് ജോസഫ് (പാപ്പച്ചന് -87) കടുത്ത നെഞ്ചുവേദനയെ തുടര്ന്ന് കുഴഞ്ഞുവീഴുകയായിരുന്നു.
ഉടന്തന്നെ പത്തനംതിട്ടയിലെ ആശുപത്രിയിലേക്ക് കൊണ്ടുപോയെങ്കിലും യാത്രാമധ്യേ ഇദ്ദേഹം മരണത്തിനു കീഴടങ്ങുകയായിരുന്നു. പാപ്പച്ചന്റെ മരണം സ്ഥിരീകരിച്ചതോടെ സൂസമ്മയുടെ മൃതശരീരവുമായി ബന്ധുക്കള് പള്ളിയില് കാത്തിരിക്കുകയാണ്. പോലീസ് നടപടികള്ക്ക് ശേഷം ഇന്ന് മൂന്നു മണിയോടെ ഇരുവരെയും ഒന്നിച്ച് സംസ്കരിക്കും. മക്കള് – ജാസ്മി, ജയിംസ്, ജെസ്സി, ജിജി, ജോണ്സണ്. മരുമക്കള് – മാത്യു, സിനി, തങ്കച്ചന്, സലിം, ലീന.
