റിയാദ് : മലയാളിയെ റിയാദിലെ താമസസ്ഥലത്ത് മരിച്ചനിലയില്‍ കണ്ടെത്തി. പത്തനംതിട്ട കുമ്പഴ വെട്ടൂര്‍ സ്വദേശി ഇടയാടിയില്‍ പുത്തന്‍വീട്ടില്‍ ബിജു ദേവരാജന്‍ (48) ആണ് റിയാദ് എക്സിറ്റ് ആറിലെ താമസസ്ഥലത്ത് മരിച്ചത്.
ഞായറാഴ്ച രാത്രിയില്‍ 11 മണിയോടെ ഉറങ്ങാന്‍ കിടന്ന ഇദ്ദേഹം പിറ്റേന്ന് ജോലിക്ക് വരാത്തതിനെ തുടര്‍ന്ന് സഹപ്രവര്‍ത്തകര്‍ അന്വേഷിച്ചു ചെന്നപ്പോഴാണ് കിടക്കയില്‍ മരിച്ച നിലയില്‍ കണ്ടത്. എക്സിറ്റ് ആറിലെ വെല്‍കം റസ്റ്റോറന്‍റില്‍ സപ്ലൈയറായിരുന്നു. 25 വര്‍ഷമായി റിയാദിലുണ്ട്.
ദേവരാജനാണ് അച്ഛന്‍. കനകമ്മ അമ്മ. ഭാര്യ: പ്രസീദ. ഏക മകള്‍ അനന്യ ബിജു . സഹോദരങ്ങള്‍: സോമലത, സിന്ധു. മൃതദേഹം റിയാദ് ശുമൈസി ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു.
