തിരുവനന്തപുരം: അന്തരിച്ച മുന് മുഖ്യമന്ത്രി ഉമ്മന് ചാണ്ടിയെ ഓര്ക്കുമ്പോള് ആദ്യം മനസ്സില് വരുന്നത് രാത്രിയില് ഒരു മണിക്ക് പോലും ഫയലുകളുടെ കൂമ്പാരത്തിനു മുന്നില് ഇരുന്ന് ജനങ്ങള്ക്ക് വേണ്ടി പ്രവര്ത്തിക്കുന്ന രൂപമാണെന്ന് നടന് കുഞ്ചാക്കോ ബോബന്. ഉമ്മന് ചാണ്ടിയുടെ ഭൗതിക ശരീരം ഏറ്റുവാങ്ങാന് തിരുവനന്തപുരം വിമാനത്താവളത്തില് എത്തിയപ്പോഴാണ് കുഞ്ചാക്കോ ബോബന് മാധ്യമങ്ങളോട് പ്രതികരിച്ചത്.
വര്ഷങ്ങളായി ബന്ധമുള്ള രാഷ്ട്രീയ നേതാവാണ് ഉമ്മന് ചാണ്ടി. ആ ഒരു ബന്ധത്തിന്റെ പുറത്താണ് വിമാനത്താവളത്തില് വന്നത്. അദ്ദേഹത്തിന്റെ നിര്യാണം വലിയ നഷ്ടം തന്നെയാണ്. ഞാന് കണ്ടിട്ടുള്ളതില് വച്ച് ഏറ്റവും നിസ്വാര്ഥനായ ജനസമ്മതനായ നേതാവാണ് അദ്ദേഹം. വ്യക്തിപരമായി അദ്ദേഹത്തെ അറിയാം. ജനങ്ങള്ക്ക് വേണ്ടി മാത്രം ജീവിച്ച ഒരു യഥാര്ഥ മനുഷ്യസ്നേഹി കൂടിയാണ് അദ്ദേഹം. എന്റെ കുടുംബത്തിലെ ചടങ്ങുകള്ക്കെല്ലാം പങ്കെടുത്തിരുന്ന മനുഷ്യനാണ് അദ്ദേഹം. അദ്ദേഹത്തിന്റെ വീട്ടില് ഏതു സമയത്തും കയറിച്ചെല്ലാനുള്ള സ്വാതന്ത്ര്യം എനിക്കുണ്ടായിരുന്നു. അദ്ദേഹം എല്ലാവരെയും ഒരേപോലെ കാണുന്ന വ്യക്തിയാണ്. അദ്ദേഹവുമായി മാത്രമല്ല കുടുംബവുമായും വളരെ അടുത്ത ബന്ധമുണ്ട്. ഈ വിയോഗം എനിക്ക് വ്യക്തിപരമായ നഷ്ടം കൂടിയാണ് -കുഞ്ചാക്കോ ബോബന് പറഞ്ഞു.
