തൃശൂര് : കുന്നംകുളം നഗരത്തില് വന് തീപിടുത്തം. ആക്രിക്കടയ്ക്കും കടലാസ് ഗോഡൗണിനുമാണ് തീപിടിച്ചത്. ഫയര് ഫോഴ്സെത്തി തീയണച്ചു. സംഭവത്തില് പതിനഞ്ച് ലക്ഷം രൂപയുടെ നാശനഷ്ടമുണ്ടായെന്നാണ് പ്രാഥമിക നിഗമനം.
പുലര്ച്ചെ നാലരയോടെയാണ് യേശുദാസ് റോഡിലെ ആക്രിക്കടയ്ക്ക് തീ പിടിച്ചത്. കടയോട് ചേര്ന്നുളള കടലാസ് ഗോഡൗണിലേക്കും ബൈന്ഡിംഗ് സെന്ററിലേക്കും തീ പടരുകയായിരുന്നു. ആക്രിക്കടയുടെ പുറക് വശത്ത് നിന്നാണ് തീപിടിച്ചത്. പട്ടാമ്പി സ്വദേശി മുസ്തഫയുടെ ഉടമസ്ഥതയിലുളളതാണ് സ്ഥാപനം. എങ്ങനെയാണ് തീ പിടിച്ചതെന്ന് വ്യക്തമല്ല.