ഊട്ടി: നീലഗിരി കൂനൂരിലുണ്ടായ വാഹനാപകടത്തിൽ മലയാളി മരിച്ചു. പാലക്കാട് സ്വദേശി രഞ്ജിത്ത് (18) ആണ് മരിച്ചത്. ഇന്ന് ഉച്ചയ്ക്ക് ശേഷമാണ് അപകടം നടന്നത്. പരിക്കേറ്റ മറ്റുള്ളവരെ കൂനൂര് സർക്കാർ ആശുപത്രിയിൽ പ്രവേശിപ്പിച്ചു. വടക്കഞ്ചേരി പരുവാശേരി കൊളക്കോട് നിന്നുള്ള സംഘം സഞ്ചരിച്ച വാഹനമാണ് അപകടത്തിൽപ്പെട്ടത്. ഒമ്പത് അംഗ സംഘം ഊട്ടി സന്ദർശിച്ച ശേഷം തിരിച്ചുവരുമ്പോഴാണ് അപകടം നടന്നത്. ഇവർ സഞ്ചരിച്ച വാഹനം കൂനൂര് മേട്ടുപ്പാളയം ചുരം ഇറങ്ങുന്നതിനിടെ കാട്ടേരിയിൽ റോഡരികിലെ ചായക്കടയിൽ ഇടിച്ചുകയറുകയായിരുന്നു.
