കുവൈറ്റ് സിറ്റി : കുവൈറ്റിലെ അബ്ദാലി റോഡില് രണ്ട് ബസുകള് കൂട്ടിയിടിച്ച് അഞ്ച് പേര് മരിക്കുകയും 15 പേര്ക്ക് പരിക്കേല്ക്കുകയും ചെയ്തതായി കുവൈത്ത് ഫയര് ഫോഴ്സ് അറിയിച്ചു. മരിച്ചവരില് രണ്ട് ഇന്ത്യക്കാരും ഒരു ഈജിപ്ഷ്യനും ഒരു ബംഗ്ലാദേശിയും ഒരു നേപ്പാളിയുമാണുള്ളത്. അപകടത്തില് മരിച്ച ഇന്ത്യക്കാരില് ഒരാള് മലയാളിയാണ്.
ക്രൗണ് ട്രാന്സ്പോര്ട്ടില് ഡ്രൈവറായി ജോലി ചെയ്യുന്ന ജോസഫ് സേവ്യറാണ് മരിച്ചത്. ബസുകള് തമ്മില് കൂട്ടിയിടിച്ച് തീപിടിത്തമുണ്ടാകുകയായിരുന്നു. തുടര്ന്ന് ജഹ്റയില് നിന്നുള്ള അഗ്നിശമനസേന സ്ഥലത്തെത്തി തീ അണച്ചു. പരിക്കേറ്റവരെ വിവിധ ആശുപത്രികളില് പ്രവേശിപ്പിച്ചു.
