പത്തനംതിട്ട : കേന്ദ്ര- സംസ്ഥാന സർക്കാരുകൾ വ്യാപാരികളോട് കാണിക്കുന്ന അനീതിക്കെതിരെ നവംബർ 3 ചൊവ്വാഴ്ച രാവിലെ 10 മണി മുതൽ 12 മണി വരെ സംസ്ഥാന വ്യാപകമായി സർക്കാർ ഓഫീസുകൾക്ക് മുൻപിൽ കേരളാ വ്യാപാരി വ്യവസായി ഏകോപന സമിതിയുടെ നേത്രുത്വത്തില്‍ പ്രതിഷേധ ധർണ്ണ നടത്തുന്നു.
സമരത്തിന്റെ ഭാഗമായി പത്തനംതിട്ട ജില്ലയിലെ മുഴുവന്‍ യൂണിറ്റുകളിലും കോവിഡ് പ്രോട്ടോകോൾ പാലിച്ചുകൊണ്ട്‌ സർക്കാർ ഓഫീസുകളുടെ മുൻപിൽ സമരം നടത്തുമെന്ന് ജില്ലാ പ്രസിഡന്റ് എ.ജെ ഷാജഹാന്‍, ജില്ലാ ജനറല്‍ സെക്രട്ടറി കെ.ഇ മാത്യു, ട്രഷറര്‍ ശ്രീകുമാര്‍ കൂടല്‍ എന്നിവര്‍ പറഞ്ഞു.
പത്തനംതിട്ട മുനിസിപ്പല്‍ യൂണിറ്റിന്റെ നേത്രുത്വത്തില്‍ കളക്ടറേറ്റ് പടിക്കലും മിനി സിവില്‍ സ്റ്റേഷന്‍ പടിക്കലും സമരം നടത്തുമെന്ന് യൂണിറ്റ് പ്രസിഡന്റ് ശശി ഐസക്, ജനറല്‍ സെക്രട്ടറി റ്റി.റ്റി.അഹമ്മദ്, ട്രഷറര്‍ ജിജു കുന്നംകുളം എന്നിവര്‍ അറിയിച്ചു.
