പത്തനതിട്ട : കുടുംബശ്രീ ഉല്പ്പന്നങ്ങളുടെ ഓണ്ലൈന് വിപണനം പ്രോത്സാഹിപ്പിക്കുന്നതിനും കുടുംബശ്രീ ഇ-കൊമേഴ്സ് പോര്ട്ടലിലൂടെയുള്ള വിപണനം മെച്ചപ്പെടുത്തുന്നതിനും രണ്ടാഴ്ച നീണ്ടുനില്ക്കുന്ന ഒരു ഓണ്ലൈന് പ്രൊമോഷന് ക്യാമ്പെയിന് ഇ-കൊമേഴ്സ് പോര്ട്ടലിലൂടെ നവംബര് 04 മുതല് 19 വരെ നടക്കും. മെഗാ ഡിസ്കൗണ്ട് മേളയുടെ ഉദ്ഘാടനം തദ്ദേശ സ്വയംഭരണ വകുപ്പ് മന്ത്രി എ.സി.മൊയ്തീന് നിര്വഹിക്കും.
പരമാവധി ഓണ്ലൈന് ഓര്ഡറുകള് സ്വീകരിക്കുന്നതിനും കുടുംബശ്രീ ഉല്പ്പന്നങ്ങളുടെ ഓണ്ലൈന് വിപണിയില് പ്രചാരണം വര്ധിപ്പിക്കുന്നതിനും കുടുംബശ്രീ ഇ-കൊമേഴ്സ് പോര്ട്ടലിന്റെ ബ്രാന്ഡ് ഇമേജ് വര്ധിപ്പിക്കുന്നതിനുമാണ് ക്യാമ്പെയിനിലൂടെ ലക്ഷ്യമിടുന്നത്. കുടുംബശ്രീയുടെ സ്വന്തം ഓണ്ലൈന് വിപണന പോര്ട്ടലിലൂടെ വന് വിലക്കുറവിലും ലാഭത്തിലും ഗുണനിലവാരമുള്ള ഉല്പന്നങ്ങള് സ്വന്തമാക്കാം.
‘കുടുബശ്രീ ഉത്സവ്’ എന്ന പേരിലാണ് വിപണന മേള ഒരുക്കുന്നത്. പോസ്റ്റല് വകുപ്പുമായി ചേര്ന്നാണ് സൗകര്യം ഒരുക്കിയിരിക്കുന്നത്. 600 ലേറെ ഉല്പന്നങ്ങള്ക്ക് 40 ശതമാനം വരെ ഡിസ്കൗണ്ടും 1000 രൂപയ്ക്ക് മുകളില് വാങ്ങുന്നവര്ക്ക് 10 ശതമാനം അധിക ഡിസ്കൗണ്ടും 3000 രൂപയ്ക്ക് മുകളില് വാങ്ങുന്നവര്ക്ക് പ്രത്യേക ഡിസ്കൗണ്ടും ഉണ്ട്. ആദ്യ ഉല്പന്നങ്ങള് വാങ്ങുന്ന 100 പേര്ക്ക് 10 ശതമാനം അധിക ഡിസ്കൗണ്ട് ലഭിക്കും, അടുത്ത 200 പേര്ക്ക് 5 ശതമാനം ഡിസ്കൗണ്ടും വിപണന മേളയുടെ പ്രത്യേക ആകര്ഷണങ്ങളാണ്.
കരകൗശല വസ്തുക്കള്, വിവിധതരം അച്ചാറുകള്, സ്ക്വാഷ്, ചിപ്സ്, കറിപൗഡറുകള്, കൊണ്ടാട്ടം, ട്രൈബല് ഉല്പന്നങ്ങള്, ബാംബൂ പ്രോഡക്റ്റ്സ്, സോപ്പ് ആന്ഡ് ടൊയിലറ്ററീസ്, ടോയ്സ് ജ്വല്ലറീസ്, ബാഗ്സ്, ഗാര്മെന്സ്,കുടകള്, മാസ്ക് തുടങ്ങി കുടുംബശ്രീ അംഗങ്ങള് ഉല്പാദിപ്പിക്കുന്ന 350 സംരംഭങ്ങളുടെ 1200 ഓളം ഉല്പന്നങ്ങ ഔണ്ലൈന് പോര്ട്ടറിലൂടെ ലഭ്യമാണ്.