കോന്നി : മലയോര മേഖലയായ തണ്ണിത്തോട്ടിലെ പോലീസ് സ്റ്റേഷനിൽ ലാൻഡ് ഫോൺ തകരാറിൽ ആയത് പൊതു ജനങ്ങളെ വലക്കുന്നു.ഏറെ കാലമായി പോലീസ് സ്റ്റേഷനിലെ ലാൻഡ് ഫോൺ നമ്പറിലേക്ക് വിളിച്ചാൽ പോലീസ് ഉദ്യോഗസ്ഥർ പറയുന്നതോ തിരികെ പറയുന്നതോ കേൾക്കുവാൻ കഴിയാത്ത അവസ്ഥയാണ് നിലവിലുള്ളത്.ഇത് പരാതി പറയാൻ വിളിക്കുന്നവരെയും വിവരങ്ങൾ അറിയുവാൻ വിളിക്കുന്നവരെയും ഒരേപോലെ ബുദ്ധിമുട്ടിലാക്കുന്നുണ്ട്.ലാൻഡ് ഫോണിൽ ബന്ധപെടുന്നവർക്ക് ഉദ്യോഗസ്ഥർ മൊബൈൽ നമ്പർ നൽകി വീണ്ടും വിളിച്ചാണ് സംസാരിക്കുന്നത്.
തണ്ണിത്തോട് പോലെ ഒരു വലിയ പ്രദേശത്ത് രാത്രിയിൽ ഉണ്ടാകുന്ന പ്രശ്നങ്ങൾ പോലും ഫോണിൽ വിളിച്ച് കൃത്യമായി ധരിപ്പിക്കാൻ കഴിയുന്നില്ല എന്നാണ് പൊതു ജനം പറയുന്നത്.പല തവണ ഈ വിഷയം നാട്ടുകാർ പോലീസ് സ്റ്റേഷനിൽ അറിയിച്ചു എങ്കിലും സ്റ്റേഷനിലെ തകരാറിലായ ലാൻഡ് ഫോൺ നന്നാക്കാൻ അധികൃതർ തയ്യാറായിട്ടില്ല.ഇൻറ്ർ നെറ്റിൽ പരതിയാലും ഈ നമ്പർ തന്നെയാണ് പൊതു ജനങ്ങൾക്ക് ലഭിക്കുക.ഫോൺ തകരാറിൽ ആണെന്നുള്ള കാര്യം ഉദ്യോഗസ്ഥർ തന്നെ സമ്മതിക്കുന്നുണ്ട്.ഫോണിന്റെ തകരാർ പരിഹരിക്കാൻ അടിയന്തിര നടപടി ഉണ്ടാകണം എന്നും ആവശ്യമുയരുന്നു.