പഴവങ്ങാടിയില്‍ ജലസംഭരണി പണിയുന്നതിന് അഞ്ചു സെന്റ് സ്ഥലം പഞ്ചായത്തിന് സൗജന്യമായി നല്‍കി

റാന്നി : പഴവങ്ങാടി ഗ്രാമപഞ്ചായത്ത് ഒമ്പതാം വാർഡിലെ കുടിവെള്ള പദ്ധതിയുമായി ബന്ധപ്പെട്ട് ജലസംഭരണി പണിയുന്നതിന് അഞ്ചു സെന്റ് സ്ഥലം പഞ്ചായത്തിന് സൗജന്യമായി നല്‍കി. ഇന്‍ഫന്റ് ജീസസ് പള്ളിക്ക് സമീപം ചീങ്കയില്‍ സി.സി ചാക്കോ, ഭാര്യ ഏലിയാമ്മ ചാക്കോ എന്നിവരാണ് സ്ഥലം സൗജന്യമായി നൽകിയത്. ഇതിന്റെ രേഖകൾ ഗ്രാമപഞ്ചായത്ത് പ്രസിഡന്റ് അനിത അനിൽകുമാറും ഗ്രാമപഞ്ചായത്ത് വൈസ് പ്രസിഡന്റ് ജോൺ എബ്രഹാമും ഏറ്റുവാങ്ങി. വാട്ടർ അതോറിറ്റി അസിസ്റ്റന്റ് എൻജിനീയർ മിനി മാത്യു, ഓവർസിയർ വിനീത നാദ് എന്നിവരും ചടങ്ങില്‍ പങ്കെടുത്തു.