തൃശ്ശൂർ : കേരളത്തിൽ ഇടതുപക്ഷ ജനാധിപത്യ മുന്നണി മൂന്നാം തവണയും അധികാരത്തിലെത്തുമെന്ന ഉറച്ച വിശ്വാസം പ്രകടിപ്പിച്ച് റവന്യൂ മന്ത്രി കെ. രാജൻ. ഒല്ലൂർ മണ്ഡലത്തിൽ നിന്ന് ജനവിധി തേടുന്ന അദ്ദേഹം കഴിഞ്ഞ പത്തു വർഷത്തെ തന്റെ പ്രവർത്തനങ്ങളും ജനങ്ങളുമായുള്ള ബന്ധവും വലിയ ഭൂരിപക്ഷത്തോടെയുള്ള വിജയം ഉറപ്പാക്കുമെന്ന് വ്യക്തമാക്കി. ചില എക്സിറ്റ് പോൾ സർവേകൾ യു.ഡി.എഫിന് മുൻതൂക്കം പ്രവചിക്കുന്നുണ്ടെങ്കിലും ജനങ്ങളുടെ യഥാർത്ഥ സർവേഫലം നാളെ പുറത്തുവരുമ്പോൾ എൽ.ഡി.എഫ് സർക്കാർ തന്നെ വീണ്ടും അധികാരത്തിൽ വരുമെന്ന് അദ്ദേഹം പറഞ്ഞു.
മനുഷ്യർക്ക് ഭൂമിയിൽ അനുഭവിക്കേണ്ടി വരുന്ന ജീവിത യാഥാർത്ഥ്യങ്ങളാണ് വോട്ടായി മാറുന്നത്. പെട്രോൾ, ഡീസൽ, പാചകവാചകം എന്നിവയുടെ വിലവർദ്ധനവും പെൻഷൻ മുടങ്ങുന്നതും പോലുള്ള പ്രശ്നങ്ങൾ എല്ലാ വിഭാഗം ജനങ്ങളെയും ഒരുപോലെ ബാധിക്കുന്ന കാര്യങ്ങളാണെന്നും അതുകൊണ്ട് തന്നെ ജനങ്ങൾ ഇടതുപക്ഷത്തെ പിന്തുണയ്ക്കുമെന്നും അദ്ദേഹം അഭിപ്രായപ്പെട്ടു.
