കോന്നി : സി പി ഐ എം കോന്നി ഏരിയ സെക്രട്ടറിയായിരിക്കെ അന്തരിച്ച സി ജി ദിനേശ് മൂന്നാം അനുസ്മരണത്തോട് അനുബന്ധിച്ച് സിപിഐ എം നേത്യത്വത്തിൽ മഞ്ഞക്കടമ്പ് പ്രദേശത്തെ അംഗണവാടി തലം മുതൽ ഡിഗ്രിതലം വരെയുള്ള 75 കുട്ടികൾക്ക് പഠനോപകരണങ്ങൾ വിതരണം ചെയ്തു. ജില്ലാ കമ്മിറ്റി അംഗം അഡ്വ.കെ യു ജനീഷ് കുമാർ എംഎൽഎ ഉദ്ഘാടനം ചെയ്തു. യോഗത്തിൽ ഏരിയാ കമ്മിറ്റി അംഗം എം എസ് ഗോപിനാഥൻ അദ്ധ്യക്ഷനായി.
ഏരിയാ സെക്രട്ടറി ശ്യാംലാൽ, കോന്നി താഴം ലോക്കൽ സെക്രട്ടറി കെ കെ വിജയൻ, ബ്ലോക്ക് പഞ്ചായത്തംഗം തുളസീമണിയമ്മ, ലോക്കൽ കമ്മിറ്റി അംഗം ഇ. പി അയ്യപ്പൻ നായർ, റിട്ട. കേരള ബാങ്ക് മാനേജർ ആർ അജയകുമാർ എന്നിവർ സംസാരിച്ചു, ബ്രാഞ്ച് സെക്രട്ടറി അജിത് അരവിന്ദൻ സ്വാഗതവും സതീഷ് കുമാർ നന്ദിയും പറഞ്ഞു.
