തിരുവനന്തപുരം: സര്ക്കാര് ജീവനക്കാരുടെ ലീവ് സറണ്ടര് നീട്ടി. സാമ്പത്തിക പ്രതിസന്ധി കാരണം സര്ക്കാര് ജീവനക്കാരുടെ 2023-24ലെ ലീവ് സറണ്ടര് നീട്ടി ഉത്തരവ് ഇറക്കി. ജൂണ് 30 വരെയാണ് ലീവ് സറണ്ടര് അപേക്ഷ സമര്പ്പിക്കുന്നത് വിലക്കി കൊണ്ട് ഉത്തരവിറക്കിയത്. സാമ്പത്തിക വര്ഷത്തിലെ അവസാന ദിവസമാണ് ഉത്തരവിറക്കിയത്. സാമ്പത്തിക പ്രതിസന്ധി കടുത്തിരിക്കുകയാണ് എന്ന വ്യക്തമായ സൂചന നല്കിയാണ് ലീവ് സറണ്ടറിലും സര്ക്കാര് നിയന്ത്രണം കൊണ്ടുവന്നത്.
അതേസമയം കഴിഞ്ഞദിവസം ശമ്പള പരിഷ്കരണ കുടിശ്ശികയുടെ ആദ്യ ഗഡു പിഎഫില് ലയിപ്പിക്കുന്നതും നീട്ടിവെച്ചിരുന്നു. സംസ്ഥാനം നേരിടുന്ന കടുത്ത സാമ്പത്തിക പ്രതിസന്ധിയെ തുടര്ന്നാണ് ശമ്പള പരിഷ്കരണ കുടിശിക അനുവദിക്കുന്നത് വൈകുന്നത്. ഇത് സംബന്ധിച്ച് സംസ്ഥാന ധന വകുപ്പ് ഉത്തരവ് ഇറക്കി. കുടിശ്ശിക തുകയുടെ ആദ്യ ഗഡു ഏപ്രില് ഒന്നിന് ജീവനക്കാരുടെ പിഎഫ് അക്കൗണ്ടില് ലയിപ്പിക്കുമെന്നായിരുന്നു നേരത്തെ പ്രഖ്യാപിച്ചത്.
