റാന്നി : പെരുന്തേനരുവി വെള്ളച്ചാട്ടത്തിന് സമീപം നദിക്കരയില്‍ പുലിയുടേതെന്ന് സംശയിക്കുന്ന കാല്‍പ്പാടുകള്‍ കണ്ടെത്തി. ഇന്നു രാവിലെ പമ്പാനദിയില്‍ മീന്‍പിടിക്കാനെത്തിയവരാണ് ചെളിയില്‍ പതിഞ്ഞ നിലയില്‍ കാല്‍പ്പാടുകള്‍ കണ്ടത്. പെരുന്തേനരുവി ചെറുകിട ജലവൈദ്യുത പദ്ധതിയുടെ സമീപം വലിയ കയത്തിനു അരികിലെ കരയിലാണ് കാല്‍പ്പാടുകള്‍ കണ്ടെത്തിയത്‌. പുലിയുടെ കാല്‍പ്പാടുകള്‍ ആകാമെന്ന സംശയം വനം വകുപ്പ് അധികൃതരും പ്രകടിപ്പിച്ചു. കാടുകളിലെ വെള്ളം വറ്റിയതിനാലും കൂടുതല്‍ മൃഗങ്ങള്‍ വെള്ളം കുടിക്കാനെത്തുന്ന സ്ഥലത്ത് ഇരതേടി പുലി എത്തിയതാകാമെന്ന നിഗമനവും ഉണ്ട്.
കാട്ടാനയ്ക്കും കാട്ടുപന്നിക്കും കാട്ടുപോത്തിനും പിന്നാലെ പുലിയുടേതെന്നു സംശയിക്കുന്ന കാല്‍പ്പാടുകള്‍ കൂടി കണ്ടതോടെ ജനങ്ങള്‍ ഭയാശങ്കയിലാണ്. ശബരിമല വനത്തോടു ചേര്‍ന്ന ഇവിടെ നദി ജലസമൃദ്ധമായതിനാല്‍ വന്യ മൃഗങ്ങള്‍ നിത്യവും വെള്ളം കുടിക്കാനെത്തുന്നുണ്ട്. വെള്ളം കുടിക്കാനെത്തിയ ആനകള്‍ പലപ്പോഴും മറുകരയിലെ പരുവ ജനവാസ മേഖലയില്‍ എത്തിയ സംഭവം ഉണ്ടായിട്ടുണ്ട്. അതുകൊണ്ടു തന്നെ പുലിയും ആഹാരം തേടി നദിയുടെ മറുകരയെത്തുമോയെന്ന ഭയത്തിലാണ് നാട്ടുകാര്‍.
പത്തനംതിട്ട മീഡിയയില്‍ ക്ലാസ്സിഫൈഡ് പരസ്യങ്ങള്‍ കുറഞ്ഞ നിരക്കില്‍
മുന്‍നിര ചാനലായ പത്തനംതിട്ട മീഡിയയില്‍ ക്ലാസ്സിഫൈഡ് പരസ്യങ്ങള്‍ കുറഞ്ഞ നിരക്കില്‍ നല്‍കാം. ഓണ്‍ ലൈന്‍ ന്യൂസ് പോര്‍ട്ടല്‍ ആയതിനാല്‍ നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള്‍ എന്നിവ വാങ്ങാനും വില്‍ക്കാനും വീട് /ഓഫീസ് എന്നിവ വാടകയ്ക്ക് നല്‍കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര്‍ ഫോട്ടോസ് ഉള്‍പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്‍ട്ടലില്‍ ഉണ്ടാകും. ആവശ്യമെങ്കില്‍ ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല്‍ വിവരങ്ങള്‍ക്ക് 94473 66263, 85471 98263 വിളിക്കുക.
