കൊല്ലം : ട്രെയിനില് കടത്തിക്കൊണ്ടുവന്ന 14.79 ലിറ്റര് മദ്യം പിടികൂടി. എക്സൈസ് സ്പെഷല് സ്ക്വാഡും ആര്.പി.എഫും നടത്തിയ സംയുക്ത പരിശോധനയിലാണ് മദ്യം പിടികൂടിയത്. തമിഴ്നാട് സ്വദേശികളായ സതീഷ്കുമാര് (45), സുന്ദര്രാജ് (46) എന്നിവരാണ് പിടിയിലായത്. ഇവരുടെ പക്കല്നിന്ന് 12.540 ലിറ്റര് മദ്യം, 2.250 ലിറ്റര് വൈന് എന്നിവയാണ് പിടിച്ചെടുത്തത്. ഗോവയില് നിന്നും മദ്യം വാങ്ങി വില്പനക്കായി കൊണ്ടുവന്നതാണെന്ന് പിടിയിലായവര് പറഞ്ഞു.
പരിശോധനയില് എക്സൈസ് ഇന്സ്പെക്ടര് എസ്.ഷാജി, ആര്.പി.എഫ് സര്ക്കിള് ഇന്സ്പെക്ടര് രജനി നായര്, സിവില് എക്സൈസ് ഓഫിസര്മാരായ നിതിന്, മുഹമ്മദ് കാഹില് ബഷീര്, അനില്കുമാര്, ഹെഡ് കോണ്സ്റ്റബിള് ജോജി വര്ഗീസ്, ആശ ബിനു എന്നിവര് പങ്കെടുത്തു. തുടര്ന്നുള്ള ദിവസങ്ങളിലും സംയുക്ത ട്രെയിന് പരിശോധന ഉണ്ടാകുമെന്ന് കൊല്ലം എക്സൈസ് ഡെപ്യൂട്ടി കമീഷണര് ബി.സുരേഷ് പറഞ്ഞു.
