ഒന്നര നൂറ്റാണ്ടിലധികമായി ഇന്ത്യൻ വ്യവസായ രംഗത്തിന്റെ മുഖമുദ്രകളിലൊന്നാണ് ടാറ്റ ഗ്രൂപ്പ്. ഉപ്പു മുതൽ സോഫ്റ്റ്വെയർ വരെയുള്ള വളരെ വിശാലമായ ഉത്പന്ന ശ്രേണിയാണ് ടാറ്റ ഗ്രൂപ്പിനുള്ളത്. ടാറ്റ കുടുംബത്തിൽ നിന്നും സ്റ്റോക്ക് എക്സ്ചേഞ്ചിൽ ലിസ്റ്റ് ചെയ്തിട്ടുള്ള കമ്പനികളുടെ ഓഹരികൾ നിക്ഷേപകരെ സമ്പന്നരാക്കുന്നതിലും മുൻപന്തിയിലാണുള്ളത്. ടാറ്റ ഗ്രൂപ്പിന്റെ ഭാഗമായതും 1,000 രൂപയിൽ താഴെ വിപണി വിലയുള്ളതുമായ 5 മികച്ച ഓഹരികളെയാണ് ചുവടെ നൽകുന്നത്.
1. ടാറ്റ കെമിക്കൽസ്
രാജ്യാന്തര തലത്തിൽ പ്രവർത്തിക്കുന്ന പ്രമുഖ കെമിക്കൽസ്, സ്പെഷ്യാൽറ്റി കെമിക്കൽസ് ഉത്പന്ന നിർമാണ കമ്പനിയാണ് ടാറ്റ കെമിക്കൽസ്. എട്ട് പതിറ്റാണ്ടിലേറെയുള്ള പ്രവർത്തന പാരമ്പര്യമുള്ള ടാറ്റ ഗ്രൂപ്പ് സംരംഭമാണിത്. ആഗോളതലത്തിൽ സോഡ ആഷ് നിർമാണത്തിൽ മൂന്നാമതും സോഡിയം ബൈകാർബണേറ്റ് ഉത്പാദനത്തിൽ ആറാം സ്ഥാനത്തുമാണ് ടാറ്റ കെമിക്കൽസ് കമ്പനിയുടെ സ്ഥാനം. ഉപ്പ് മുതൽ സിലിക്കയും ഹാലോജൻ കെമിക്കൽസും വരെയുള്ള വിവിധ ശ്രേണിയിലുള്ള നിരവധി ഉത്പന്നങ്ങൾ വിപണിയിലെത്തിക്കുന്നു. ഗ്ലാസ്, പേപ്പർ, ഡ്രഗ്സ്, ഫാർമ എന്നിങ്ങനെയുള്ള വ്യത്യസ്ത വ്യവസായ മേഖലയിലേക്കാണ് ഉത്പന്ന വിതരണം. ഇന്ത്യ, യുഎസ്, യുകെ, കെനിയ എന്നിവടങ്ങളിലായി 13 നിർമാണ ശാലയും 3 ഗവേഷണ സ്ഥാപനങ്ങളും ടാറ്റ കെമിക്കൽസിന് കീഴിൽ പ്രവർത്തിക്കുന്നു. കഴിഞ്ഞ സാമ്പത്തിക വർഷം കമ്പനിയുടെ വരുമാനം 16,789 കോടിയും അറ്റാദായം 2,434 കോടിയുമാണ് രേഖപ്പെടുത്തിയത്. നിലവിൽ 1,000 രൂപ നിലവാരത്തിലാണ് ടാറ്റ കെമിക്കൽസ് ഓഹരിയുടെ വ്യാപാരം പുരോഗമിക്കുന്നത്.
2. ടാറ്റ മെറ്റാലിക്സ്
ഇന്ത്യയിലെ ഏറ്റവും വലിയ സ്വകാര്യ ഉരുക്ക് ഉത്പാദകരായ ടാറ്റ സ്റ്റീലിന്റെ ഉപകമ്പനിയാണ് ടാറ്റ മെറ്റാലിക്സ്. 1990ലാണ് തുടക്കം. പിഗ് അയണും ഡക്റ്റൈൽ അയൺ പൈപ്പുമാണ് പ്രധാനമായും നിർമിക്കുന്നത്. ലോഹവാർപ്പുശാലകളിലേക്കും ഇരുമ്പ് പൈപ്പുകൾ കുടിവെള്ളം, മാലിന്യ സംസ്കരണ മേഖലയിലേക്കുമാണ് പ്രധാനമായും വിതരണം ചെയ്യുന്നത്. ബംഗാളിൽ കമ്പനിയുടെ വലിയ നിർമാണശാല പ്രവർത്തിക്കുന്നു. നിലവിൽ കാര്യമായ കടബാധ്യതയില്ല. കടം-ഓഹരി അനുപാതം 0.10 ആകുന്നു. കഴിഞ്ഞ സാമ്പത്തിക വർഷം ടാറ്റ മെറ്റാലിക്സ് നേടിയ വരുമാനം 3,260 കോടിയും അറ്റാദായം 81 കോടിയുമായിരുന്നു. നിലവിൽ 870 രൂപ നിലവാരത്തിലാണ് ഓഹരിയുടെ വ്യാപാരം നടക്കുന്നത്.
3. ടാറ്റ കൺസ്യൂമർ പ്രോഡക്ട്സ്
2019ൽ ടാറ്റ കെമിക്കൽസിന്റെ കൺസ്യൂമർ ബിസിനസ് വിഭാഗവും ടാറ്റ ഗ്ലോബൽ ബിവറേജസും തമ്മിൽ ലയിച്ച് രൂപീകൃതമായ കമ്പനിയാണ് ടാറ്റ കൺസ്യൂമർ പ്രോഡക്ട്സ്. രാജ്യത്ത് അതിവേഗം വളരുന്ന മുൻനിര എഫ്എംസിജി കമ്പനികളിലൊന്നാണിത്. ടാറ്റ ടീ, ടാറ്റ സോൾഫുൾ, ടെറ്റ്ലി, എയ്റ്റ് ഒ’ക്ലോക്ക്, ടാറ്റ സംപന്ന് എന്നിവയൊക്കെ ടാറ്റ കൺസ്യൂമർ പ്രോഡക്ട്സിന്റെ ജനകീയ ബ്രാൻഡുകളാകുന്നു. ഇതുകൂടാതെ, അമേരിക്കയിലെ വൻകിട കോഫി കമ്പനിയായ സ്റ്റാർബക്സിന്റെ ഇന്ത്യയിലെ നടത്തിപ്പ് അവകാശവും പ്രവർത്തനവും ടാറ്റ കൺസ്യൂമറാണ് നടത്തുന്നത്. കഴിഞ്ഞ സാമ്പത്തിക വർഷം കമ്പനിയുടെ വരുമാനം 13,783 കോടിയും അറ്റാദായം 1,320 കോടിയുമാകുന്നു. കടബാധ്യതയില്ലാത്ത കമ്പനിയാണിത്. നിലവിൽ 840 രൂപ നിലവാരത്തിലാണ് ടാറ്റ കൺസ്യൂമർ പ്രോഡക്ട്സ് ഓഹരി നിൽക്കുന്നത്.
4. വോൾട്ടാസ്
സ്വിസ് കമ്പനിയായ വോൾക്കാട്ട് ബ്രദേഴ്സുമായി ചേർന്ന് 1954ൽ ടാറ്റ സൺ സ്ഥാപിച്ച കമ്പനിയാണ് വോൾട്ടാസ്. ഇന്ത്യയിലെ ഏറ്റവും വലിയ എയർ കണ്ടീഷനിങ് കമ്പനിയാണിത്. അന്തർദേശീയ തലത്തിലും പ്രവർത്തന സാന്നിധ്യമുണ്ട്. എസി കൂടാതെ റെഫ്രിജറേറ്റർ, വാഷിങ് മെഷീൻ, എയർ പ്യൂരിഫൈയർ, വാട്ടർ ഡിസ്പൻസർ, ഡക്ടഡ് എസി എന്നിവയും വിപണിയിലെത്തിക്കുന്നു. അതുപോലെ ബി2ബി വിഭാഗത്തിൽ എംഇപി, എച്ച്വിഎസി, ടെക്സ്റ്റൈൽ യന്ത്രസവിധാനം, കൺസ്ട്രക്ഷൻ & മൈനിങ് തുടങ്ങിയ ഉപകരണങ്ങളും കമ്പനി വാഗ്ദാനം ചെയ്യുന്നു. ചുരുക്കത്തിൽ കൺസ്യൂമർ ഡ്യൂറബിൾസ് കമ്പനി എന്നതിനേക്കാളും വോൾട്ടാസ് വളർന്നിട്ടുണ്ട്. അതേസമയം കഴിഞ്ഞ സാമ്പത്തിക വർഷം കമ്പനി നേടിയ വരുമാനം 9,499 കോടിയും അറ്റാദായം 136 കോടിയുമാകുന്നു. നിലവിൽ 830 രൂപ നിലവാരത്തിലാണ് വോൾട്ടാസ് ഓഹരികൾ നിൽക്കുന്നത്.
5. ടാറ്റ മോട്ടോർസ്
ഇന്ത്യയിലെ ഏറ്റവും വലിയ ഓട്ടോമൊബൈൽ കമ്പനിയാണ് ടാറ്റ മോട്ടോർസ്. 1945ലാണ് തുടക്കം. നിലവിൽ വാണിജ്യ വാഹനങ്ങളുടെ നിർമാണത്തിൽ ഒന്നാമതും യാത്ര വാഹനങ്ങളുടെ വിഭാഗത്തിൽ ആദ്യ മൂന്ന് സ്ഥാനങ്ങൾക്കുള്ളിലുമാണ് കമ്പനിയുടെ സ്ഥാനം. വൈദ്യുത വാഹന മേഖലയിലും ശക്തമായ സാന്നിധ്യം ഇതിനകം അറിയിച്ചുകഴിഞ്ഞു. നിലവിൽ ഇന്ത്യയിലെ വൈദ്യുത യാത്ര വാഹന വിപണിയിൽ 80 ശതമാനം വിഹിതവും ടാറ്റ മോട്ടോർസ് കരസ്ഥമാക്കിയിട്ടുണ്ട്. 2022-23 കാലയളവിൽ മൊത്തം 13,35,819 വാഹനങ്ങളാണ് ടാറ്റ മോട്ടോർസ് ഗ്രൂപ്പ് സ്ഥാപനങ്ങൾ വിറ്റഴിച്ചത്. കഴിഞ്ഞ സാമ്പത്തിക വർഷത്തിൽ കമ്പനി നേടിയ വരുമാനം 3,45,967 കോടിയും അറ്റാദായം 2,690 കോടിയുമാണ് രേഖപ്പെടുത്തിയത്. നിലവിൽ 610 രൂപ നിലവാരത്തിലാണ് ടാറ്റ മോട്ടോർസ് ഓഹരിയുടെ വ്യാപാരം പുരോഗമിക്കുന്നത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
