കോഴിക്കോട്: തദ്ദേശ തെരഞ്ഞെടുപ്പില്‍ മത്സരിക്കുന്ന സ്ഥാനാര്‍ത്ഥി കുഴഞ്ഞ് വീണ് മരിച്ചു. കോഴിക്കോട് മാവൂര്‍ ഗ്രാമപഞ്ചായത്തിലെ പതിനൊന്നാം വാര്‍ഡായ താത്തൂര്‍ പൊയില്‍ വാര്‍ഡിലേക്ക് കോണ്‍ഗ്രസ് ടിക്കറ്റില്‍ മത്സരിക്കാന്‍ നാമനിര്‍ദേശ പത്രിക സമര്‍പ്പിച്ച പൈപ്പ് ലൈന്‍ റോഡിന് സമീപം പാറപ്പുറത്ത് അനില്‍കുമാര്‍ (54) ആണ് മരിച്ചിരിക്കുന്നത്.
വെള്ളിയാഴ്ച രാത്രി മെഡിക്കല്‍ കോളജ് ആശുപത്രിയിലായിരുന്നു അന്ത്യം സംഭവിച്ചത്. നാടക കലാകാരനായിരുന്നു ഇദ്ദേഹം. അരീക്കോട് സ്വദേശി അമ്പിളിയാണ് ഭാര്യ. ഡല്‍ഹി യൂണിവേഴ്സിറ്റി ബിരുദ വിദ്യാര്‍ത്ഥിനി അളകനന്ദ, സെന്റ് സേവിയോ സ്കൂള്‍ വിദ്യാര്‍ത്ഥിനി ആര്യ നന്ദ എന്നിവര്‍ മക്കളാണ്.
