കോന്നി : മയൂർ ഏലായിൽ സ്വകാര്യ വ്യക്തി തണ്ണീർതടം നികത്തിയുള്ള അനധികൃത നിർമ്മാണ പ്രവർത്തനം നാട്ടുകാരുടെ നേതൃത്വത്തിൽ തടഞ്ഞു. കഴിഞ്ഞ ദിവസമാണ് സംഭവം. ഏലായുടെ ഇരുഭാഗങ്ങളിലും താമസിക്കുന്ന കുടുംബങ്ങൾക്ക് വഴി പോലും നിഷേധിച്ചാണ് സ്വകാര്യ വ്യക്തിയുടെ നേതൃത്വത്തിൽ നിർമ്മാണ പ്രവർത്തനം നടത്തിയത്. തുടർന്ന് കോന്നി ഗ്രാമ പഞ്ചായത്തിന് നാട്ടുകാർ പരാതി നൽകിയിരുന്നു. നിർമ്മാണ പ്രവർത്തനം നടക്കുന്നിടത്ത് പുറമ്പോക്ക് ഭൂമി ഉണ്ടെന്നും ഇത് കൂടി ചേർത്താണ് സ്വകാര്യ വ്യക്തി നിർമ്മാണ പ്രവർത്തനങ്ങൾ നടത്തുന്നതെന്നും നാട്ടുകാർ ആരോപിച്ചു.
പഞ്ചായത്തിന് ലഭിച്ച പരാതിയുടെ അടിസ്ഥാനത്തിൽ താലൂക്ക് സർവേയർ ഭൂമി അളന്ന് തിട്ടപ്പെടുത്തി നൽകിയ ശേഷം മാത്രമേ നിർമ്മാണ പ്രവർത്തനങ്ങൾ നടത്തുവാൻ പാടുള്ളുവെന്ന് കോന്നി ഗ്രാമ പഞ്ചായത്ത് അധികൃതർ സ്വകാര്യ വ്യക്തിയെ ധരിപ്പിച്ചിട്ടുണ്ട്. ഭൂമിയിൽ മാങ്കോസ്റ്റിൽ കൃഷി നടത്തുവാൻ വേണ്ടി ഭൂമി കൃഷിയോഗ്യമാക്കുകയാണ് ചെയ്തത് എന്നാണ് സ്വകാര്യ വ്യക്തി പഞ്ചായത്തിനെ ധരിപ്പിച്ചിരിക്കുന്നത്. അടുത്ത ദിവസം തന്നെ സർവേ നടത്തി ഭൂമി അളന്ന് തിട്ടപ്പെടുത്താൻ ആണ് അധികൃതരുടെ തീരുമാനം. കോന്നി താലൂക്ക് തഹൽസീദാരേയും കോന്നി വില്ലേജ് ഓഫീസറെയും വിഷയം നാട്ടുകാർ അറിയിച്ചിട്ടുണ്ട്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
